પોરબંદરમાં માર્કેટિંગ યાર્ડ સામે આવેલ મારુતી પાર્ક વિસ્તારમાં લક્ઝુરિયસ કારમાં લોખંડની પાઇપ વડે તોડફોડ કરવામાં આવી છે. આ અંગે ઉદ્યોગ નગર પોલીસે ગુનો નોંધી બે શખ્સને ઝડપી લીધા હતાં.
બનાવની મળતી વિતગ મુજબ પોરબંદર માર્કેટિંગ યાર્ડની એકદમ સામે આવેલા મારુતિ પાર્ક સોસાયટીમાં 25 તારીખના સવારે 11-30 વાગ્યા આસપાસ અહીં પાર્ક થયેલી GJ 01 RK 6850 નંબરની મર્સિડીઝ કારમાં પલ્સર બાઈક પર સવાર થઈને આવેલા બે શખ્સોએ આડેધડ લોખંડના પાઇપો ઝીંકતા કારના ચારેય દરવાજાની બારીઓના કાચ તથા આગળ પાછળની લાઈટનો ભુક્કો બોલી ગયો હતો.
આ કાર વિશાલ કુછડીયાની છે.વિશા કુછડિયાએ ઉદ્યોગ નગર પોલીસ સ્ટેશનમાં બે શખ્સ સામે ફરિયાદ નોધાવી હતી. શહેરનાં સીતારામ નગરમાં રહેતા સંજય વિસાણા અને વનરાજ ખુંટીએ કારમાં તોડફોડ કરી હતી.
આ બન્ને શખ્સોને કારમાં તોડફોડ કરીને 50 હજાર રૂપિયાનું નુકસાન કર્યું હતું. તેમજ જાનથી મારી નાખવાની ધમકી આપી હતી. વિશાલ કુછડીયાને અગાઉ બન્ને શખ્સ સાથે માથાકુટ થઇ હતી.
જેનું મન દુઃખ રાખીને કારમાં તોડફોડ કરી હતી. આ અંગે વિશાલ કુછડિયાએ પોલીસમાં ફરિયાદ નોધાવી હતી. પોલીસે કલમ 427,504 સહિતની કલમો હેઠળ ગુનો નોંધી તપાસ હાથ ધરી હતી. તેમજ ફરિયાદ નોંધાયાની કલાકોમાં બંને આરોપી ઓને ઝડપી પાડ્યાં હતાં અને બન્ને શખ્સો સામે ધોરણસરની કાયર્વાહી હાથ ધરી હતી. આરોપી વિરુદ્ધ કાયદેસરની કાર્યવાહી હાથ ધરી છે.
