સમગ્ર વિશ્વમાં પ્રદૂષણ અને જળવાયુ પરિવર્તનની સમસ્યા ઝડપથી વધી રહી છે. જો કે ધીમે ધીમે લોકો પર્યાવરણ પ્રત્યે પણ જાગૃત થઈ રહ્યા છે. જેના કારણે હવે ઇકો ફ્રેન્ડલી ટ્રાવેલ ડેસ્ટિનેશન લોકોમાં ખૂબ જ લોકપ્રિય બની રહ્યા છે. ખાસ વાત એ છે કે પ્રવાસીઓ પણ આ સ્થળોમાં ભારે રસ દાખવી રહ્યા છે.
અહીં અમે તમને ભારતના કેટલાક ખાસ પ્રવાસ સ્થળો વિશે જણાવીશું, જે પર્યાવરણને અનુકૂળ હોવાની સાથે સાથે સાહસથી ભરપૂર છે.
સ્પીતિ વેલી
ટ્રાન્સ-હિમાલયન પ્રદેશની મધ્યમાં સ્થિત સ્પીતિ વેલી, આકર્ષક દૃશ્યો અને પ્રાચીન નદીઓનો અદભૂત અનુભવ આપે છે. પર્યાવરણની દૃષ્ટિએ પણ આ સ્થળ સારું છે. કચરાના વ્યવસ્થાપનની સાથે, પાણીનું સંરક્ષણ અને પર્યાવરણને અનુકૂળ રહેવાની વ્યવસ્થા પણ અહીં ઉપલબ્ધ હશે.
માવલીનોંગ
મેઘાલયનું માવલીનોંગ એશિયાના સૌથી સ્વચ્છ ગામ તરીકે જાણીતું છે. અહીં ચારેબાજુ હરિયાળી જ જોવા મળશે. દૂર-દૂરથી લોકો આ ગામની મુલાકાતે આવે છે. રૂટ બ્રિજ અને લીલાછમ જંગલોની વચ્ચે આવેલું આ ગામ પર્યાવરણને અનુકૂળ છે.
કબિની
નાગરહોલ નેશનલ પાર્કની નજીક સ્થિત કબિની એક અદ્ભુત વન્યજીવન સ્થળ છે. અહીં આવતા લોકો વાઇલ્ડ લાઇફ સફારીનો આનંદ માણી શકે છે. અહીં તમને સસ્ટેનેબલ ઈકો લોજ મળશે.
કચ્છ
ગુજરાતના કચ્છના રણમાં તમને પ્રકૃતિ અને સંસ્કૃતિનો સમન્વય જોવા મળશે. પર્યાવરણને ધ્યાનમાં રાખીને, સ્થાનિક પરંપરાઓને પ્રોત્સાહન આપવા ઉપરાંત, અહીં ઇકો-ફ્રેન્ડલી રિસોર્ટ જોવા મળશે.
સિક્કિમ
નાગાલેન્ડની રાજધાની સિક્કિમ પોતાનામાં ખૂબ જ સુંદર જગ્યા છે. સિક્કિમ પહાડોની વચ્ચે આવેલું છે અને તે ભારતનું પ્રથમ એવું સ્થળ છે, જ્યાં સંપૂર્ણપણે જૈવિક અને ટકાઉ ખેતીની વ્યવસ્થા છે. અહીં તમે સુંદર પર્વતોના શિખરોને નિહાળી શકો છો, જે એક અદ્ભુત અનુભવ આપવા જઈ રહ્યા છે.