શનિવારે અફઘાનિસ્તાનમાં ભૂકંપના જોરદાર આંચકા અનુભવાયા હતા. જો કે, અત્યાર સુધી ક્યાંયથી જાનમાલના નુકસાનના સમાચાર નથી.
ન્યૂઝ એજન્સી રોઈટર્સના જણાવ્યા અનુસાર ભૂકંપ ઉત્તર-પશ્ચિમ અફઘાનિસ્તાનમાં આવ્યો હતો. તેની તીવ્રતા 6.2 હતી. જર્મન રિસર્ચ સેન્ટર ફોર જીઓસાયન્સિસ (GFZ) એ આ માહિતી આપી.
GFZએ જણાવ્યું કે ભૂકંપ 10 કિમીની ઊંડાઈએ હતો. અત્યાર સુધી જાનમાલના નુકસાનના કોઈ સમાચાર નથી.
આ પહેલા મેક્સિકોમાં શુક્રવારે મોડી રાત્રે ભૂકંપના તીવ્ર આંચકા અનુભવાયા હતા. રિક્ટર સ્કેલ પર તેની તીવ્રતા 6.3 માપવામાં આવી હતી. ભૂકંપના કારણે જાનમાલના નુકસાનના કોઈ સમાચાર હજુ સુધી સામે આવ્યા નથી.
ભૂકંપનું કેન્દ્ર દક્ષિણ ઓક્સાકા રાજ્યના મટિઆસ રોમેરો શહેરની નજીક હતું. યુએસ જીઓલોજિકલ સર્વે (યુએસજીએસ) એ અહેવાલ આપ્યો છે કે ભૂકંપની ઊંડાઈ 108 કિમી હતી.
મેક્સિકો સિટીમાં ભૂકંપના કારણે એલાર્મ વાગવા લાગ્યું. જેના કારણે લોકો ઘરની બહાર નીકળી રસ્તા પર આવી ગયા હતા. જો કે મોટાભાગના વિસ્તારોમાં આંચકા અનુભવાયા ન હતા.