ઇઝરાયેલ અને હમાસ વચ્ચેનું યુદ્ધ હવે નિર્ણાયક તબક્કે પહોંચી ગયું છે. ગાઝા પર રોકેટ હુમલા બાદ ઈઝરાયેલે પણ ગ્રાઉન્ડ એક્શન શરૂ કરી દીધું છે. ઈઝરાયેલની સેના હવે ગાઝામાં ઘૂસીને હમાસના આતંકવાદીઓને ખતમ કરવામાં વ્યસ્ત છે.
આ દરમિયાન ઈઝરાયેલે ગાઝાના દક્ષિણ ભાગમાં સ્થિત ખાન યુનિસ પર જોરદાર મિસાઈલ હુમલો કર્યો છે. આ હુમલામાં 26 પેલેસ્ટિનિયન માર્યા ગયા છે. જેમાં મોટાભાગના માસૂમ બાળકો હતા.
હુમલા પહેલા ચેતવણી આપવામાં આવી હતી
ઈઝરાયેલની સેનાએ હુમલા પહેલા ગાઝામાં ખાન યુનિસને ખાલી કરવાની ચેતવણી આપી હતી. ઈઝરાયેલની સેનાએ કહ્યું હતું કે જો આ શહેરને ખાલી કરવામાં નહીં આવે તો પરિણામ ખરાબ આવશે.
ઈઝરાયેલના વડાપ્રધાનના સહાયકે નિવેદન જારી કર્યું છે
હુમલા પહેલા ઈઝરાયેલના પીએમ નેતન્યાહુના સહયોગી માર્ક રેગેવે એક નિવેદન જારી કરીને ગાઝાના લોકોને ચેતવણી આપી હતી. તેણે ચેતવણી આપી હતી કે હમાસને ખતમ કરવા માટે તેની સેના ખાન યુનિસ પર હુમલા વધારશે, જેના કારણે ત્યાં રહેતા લોકોએ બીજે ક્યાંક સ્થળાંતર કરવું જોઈએ.
