National News: ઓમાનમાં ભારતીય નાગરિકના મોત બાદ મૃતકના પરિજનોએ વિરોધ પ્રદર્શન કર્યું છે અને એર ઈન્ડિયા એક્સપ્રેસ પાસેથી વળતરની માંગ કરી છે. પરિજનોએ AISATS ઓફિસની બહાર મૃતદેહ રાખીને દેખાવો કર્યા હતા. 13 મેના રોજ ઓમાનની એક હોસ્પિટલના ICUમાં દાખલ એક ભારતીયનું મોત થયું હતું.
એર ઈન્ડિયા એક્સપ્રેસના કેબિન ક્રૂ અચાનક સામૂહિક રજા પર જવાને કારણે ટાટા કંપનીની એરલાઈન્સે 8 થી 10 મે વચ્ચે 260 થી વધુ ફ્લાઈટ્સ કેન્સલ કરવી પડી હતી. મૃતકના સસરાએ દાવો કર્યો હતો કે જો તેમની પુત્રીને ઓમાન જવાની મંજૂરી આપવામાં આવી હોત તો કદાચ મૃત્યુને અટકાવી શકાયું હોત. તેમની પુત્રી અને પૌત્રોની સંભાળ રાખવા માટે વળતર ચૂકવવું પડશે.
સંબંધીઓએ મૃતદેહને ઓફિસની બહાર રાખીને શાંતિપૂર્ણ પ્રદર્શન કર્યું હતું
મૃતકના મૃતદેહને કેરળ લાવવામાં આવ્યો હતો અને સંબંધીઓ મૃતદેહને લઈને એર ઈન્ડિયા સેટ્સ પ્રાઈવેટ લિમિટેડ (AISATS)ની ઓફિસે પહોંચ્યા હતા. પરિજનોએ મૃતદેહને ઓફિસની બહાર રાખીને શાંતિપૂર્ણ પ્રદર્શન કર્યું હતું. આ પછી, એરલાઇન્સના અધિકારીઓ ત્યાં પહોંચ્યા અને પોલીસની હાજરીમાં પરિવારના સભ્યો સાથે વાત કરી. પછી વિરોધ બંધ થયો અને મૃતદેહને અંતિમ સંસ્કાર માટે લઈ જવામાં આવ્યો.
મહિલાએ 8 મેના રોજ મસ્કત માટે ટિકિટ બુક કરાવી હતી.
અમૃતા નામની મહિલાએ મસ્કતમાં તેના પતિને મળવા માટે 8 મેની ટિકિટ બુક કરાવી હતી, પરંતુ એરપોર્ટ પર તેને કહેવામાં આવ્યું કે ફ્લાઈટ કેન્સલ થઈ ગઈ છે. તેને બીજા દિવસે બીજી ફ્લાઇટ માટે ટિકિટ આપવામાં આવી હતી, પરંતુ તે પણ રદ કરવામાં આવી હતી. સોમવારે તેના પતિનું અવસાન થયું હતું.
