ભીંડાનું શાક તો દરેકનું પ્રિય શાક છે. અન્ય શાક હોય તેની સરખામણીમાં ભીંડાનું શાક હોય ત્યારે એક કે બે રોટલી હંમેશા વધારે જ ખવાતી હોય છે. તેમાય ભીંડાનું મસાલાવાળું સૂકું શાક હોય તો પુછવું જ શું. આજે ગુજરાતી જાગરણ તમને ભીંડાનું મસાલાવાળું સૂકું શાક કેવી રીતે બનાવવું તેની રેસિપી જણાવશે.
ભીંડાનું મસાલાવાળું સૂકું શાક બનાવવાની સામગ્રી
- ભીંડા,
- ડુંગળી,
- ધાણાજીરું,
- હળદર,
- ગરમ મસાલો,
- ખમણેલું નારિયેળ,
- લીલા મરચાં,
- આદું,
- લસણ,
- રાઈ-જીરું,
- કોથમીર,
- તેલ,
- મીઠું.
ભીંડાનું મસાલાવાળું સૂકું શાક બનાવવાની રીત
સ્ટેપ- 1
સૌ પ્રથમ ભીંડાને ધોઈને કપડાથી બરાબર સાફ કરી તેનો ઉપર અને નીચેનો ભાગ કાઢીને તેને લંબાઈમાં અડધા ટૂકડઓમાં કાપી લો.
સ્ટેપ- 2
હવે એક મિક્સર જારમાં લીલા મરચાં,આદું અને લસણ પીસીને તીખી પેસ્ટ બનાવી લો.
સ્ટેપ- 3
એક પેનમાં તેલ ગરમ કરી સમારેલો ભીંડો ઉમેરીને સારી રીતે ફ્રાય કરી લો.
સ્ટેપ- 4
હવે એ જ પેનમાં તેલ ગરમ કરી તેમાં રાઈ-જીરું,આદું-લસણ-મરચાંની પેસ્ટ નાખીને સાંતળી લો.
સ્ટેપ- 5
હવે તેમાં બારીક સમારેલી ડુંગળી, મીઠું, હળદર, ફ્રાય કરેલાં ભીંડા,ખમણેલું નારિયેળ, ધાણાજીરું નાંખો અને બરાબર મિક્સ કરો. હવે એક સર્વિંગ પ્લેટમાં કાઢી ઉપર કોથમરી ગાર્નિશ કરીને સર્વ કરો.