ગોવાના 30 વર્ષીય ટિંકેશ કૌશિકે વિકલાંગ હોવાને કારણે માઉન્ટ એવરેસ્ટ બેઝ કેમ્પ પર પહોંચીને ઈતિહાસ રચ્યો છે. શારીરિક અક્ષમતા હોવા છતાં, ટિંકેશે 11 મેના રોજ પડકારરૂપ પ્રવાસ પૂર્ણ કર્યો.
30 વર્ષનો ટિંકેશ જે ટ્રિપલ એમ્પ્યુટી છે (એક વ્યક્તિ કે જેના બે પગ અથવા હાથ ખૂટે છે અથવા બે હાથ અને એક પગ ખૂટે તેવી વ્યક્તિ). તે જણાવે છે કે 9 વર્ષની ઉંમરે હરિયાણામાં ઈલેક્ટ્રીક શોકને કારણે તેનો અકસ્માત થયો હતો.
જેમાં તેણે ઘૂંટણ નીચે બંને પગ અને એક હાથ ગુમાવ્યો હતો. કૃત્રિમ અંગો ફીટ કરાવ્યા બાદ ટિંકેશ ગોવા ગયો. ત્યાં તેણે ફિટનેસ કોચ તરીકે કામ કરવાનું ચાલુ રાખ્યું.
સમુદ્ર સપાટીથી 17,598 ફીટ ઉપર સ્થિત માઉન્ટ એવરેસ્ટ બેઝ કેમ્પ સુધી પહોંચનાર પ્રથમ ટ્રિપલ એમ્પ્યુટી બન્યો. ટિંકેશ કહે છે કે શરૂઆતમાં તેણે વિચાર્યું હતું કે આ ચઢાણ આસાન હશે કારણ કે તે ફિટનેસ કોચ છે, પરંતુ જેમ જેમ પડકારો આવ્યા તેમ તેને સમજાયું કે આ સરળ નથી. તેણે કહ્યું કે તેના અંગવિચ્છેદન અને કૃત્રિમ અંગોને કારણે પ્રથમ દિવસ ખૂબ જ પીડાદાયક હતો.
