તમે દુનિયામાં લોકોને અલગ-અલગ પ્રકારના શોખ ફોલો કરતા જોયા જ હશે. કેટલાક સિક્કા અને કેટલાક રંગીન પથ્થરો એકત્રિત કરે છે. કેટલાક લોકોને જૂની વસ્તુઓ ભેગી કરવાનો શોખ હોય છે, તો કેટલાક લોકો રમકડા પણ રાખે છે. ડુઆન એજે નામના વ્યક્તિને માત્ર 5 વર્ષની ઉંમરે પણ આવો જ શોખ હતો, જેને જોઈને લોકો તેની મજાક ઉડાવતા હતા.
તમે છોકરીઓને ઢીંગલી સાથે રમતી જોઈ હશે. જ્યારે તેઓ તેમની ઢીંગલીઓને સુરક્ષિત રાખવાના શોખીન હોય છે, ત્યારે છોકરાઓને કાર ભેગી કરવાનો શોખ હોય છે. જો કે, આજે અમે તમને એક એવા વ્યક્તિનો પરિચય કરાવીશું જેને 5 વર્ષની ઉંમરથી ઢીંગલી સાથે રમવાનો શોખ હતો અને ત્યારથી તે 200 ઢીંગલીઓનો માલિક બની ગયો છે.
બાળપણમાં લોકો મને ચીડવતા હતા
ડુઆન એજે જણાવે છે કે તેને તેની પહેલી ઢીંગલી 5 વર્ષની ઉંમરે મળી હતી, જે તેને ખૂબ જ ગમી હતી.ત્યારબાદ તેણે ઢીંગલીઓ સાથે રમવાનું અને તેને એકત્રિત કરવાનું શરૂ કર્યું. મિરરના રિપોર્ટ અનુસાર, તે E-bay જેવી સાઇટ્સ પર ડોલ્સ ખરીદે છે અને તેને તેના 38,000 સોશિયલ મીડિયા ફોલોઅર્સ સાથે શેર કરે છે. આ શોખ માટે બહારના લોકો અને શાળાના છોકરાઓ તેની મજાક ઉડાવતા હતા, પરંતુ ઘરમાં દરેક તહેવાર દરમિયાન તેને ભેટમાં એક ઢીંગલી આપવામાં આવતી હતી. તે તેમને શાળાએ પણ લઈ જતો હતો, પરંતુ જ્યારે છોકરાઓએ તેને ચીડવવાનું શરૂ કર્યું તો તેણે તેમ કરવાનું બંધ કરી દીધું.
