સત્તાવાર શિન્હુઆ ન્યૂઝ એજન્સીએ શનિવારે જણાવ્યું હતું કે, હેનાનના યાનશાનપુ ગામની યિંગકાઈ સ્કૂલમાં આગની જાણ શુક્રવારે રાત્રે 11 વાગ્યે સ્થાનિક ફાયર વિભાગને કરવામાં આવી હતી. બચાવકર્મીઓ તાત્કાલિક ઘટનાસ્થળે પહોંચી ગયા હતા અને રાત્રે 11:38 કલાકે આગ પર કાબૂ મેળવી લેવામાં આવ્યો હતો.
13 લોકોના મોત, 1 ઘાયલ
સિન્હુઆ ન્યૂઝ એજન્સી અનુસાર, 13 લોકોના મોતની પુષ્ટિ કરવામાં આવી છે, જ્યારે એક વ્યક્તિ ઘાયલ થયો છે.આ મામલામાં શાળાના વડાને કસ્ટડીમાં લેવામાં આવ્યો છે. સલામતીનાં ધોરણોને લીધે ચીનમાં જીવલેણ આગ સામાન્ય છે.
નવેમ્બરમાં ઉત્તર ચીનના શાંક્સી પ્રાંતમાં કોલસા કંપનીની ઓફિસમાં લાગેલી આગમાં 26 લોકોના મોત થયા હતા. તે જ સમયે, ડઝનેક લોકોને હોસ્પિટલમાં દાખલ કરવામાં આવ્યા હતા. ગયા વર્ષે એપ્રિલમાં બેઇજિંગની એક હોસ્પિટલમાં લાગેલી આગમાં 29 લોકોના મોત થયા હતા અને ઘણાને બચવા માટે બારીઓમાંથી કૂદી પડવાની ફરજ પડી હતી.
