Helicopter Crash: ફિલિપાઈન્સની રાજધાની મનિલામાં એક ટ્રેનિંગ હેલિકોપ્ટર ક્રેશ થયું છે. આ ઘટના ત્યારે બની જ્યારે નેવીના બે પાઇલોટ ટ્રેનિંગ હેલિકોપ્ટરમાં સવાર હતા. ફિલિપાઈન નૌકાદળનું પ્રશિક્ષણ હેલિકોપ્ટર ગુરુવારે રાજધાનીની દક્ષિણે એક શહેરમાં જાહેર બજારની નજીક ઘાસવાળા વિસ્તારમાં ક્રેશ થયું હતું. હેલિકોપ્ટરમાં સવાર બે પાઈલટના મોત થયા હતા. સેના અને પોલીસે આ અંગે માહિતી આપી હતી.સત્તાવાળાઓએ મનીલાની દક્ષિણે કેવિટ શહેરમાં રોબિન્સન R22 હેલિકોપ્ટરના ક્રેશમાં જમીન પર કોઈ ઈજા થઈ હોવાની જાણ કરી નથી.
બંને પાયલોટનું હોસ્પિટલમાં મોત થયું હતું
આ દુર્ઘટનાનું કારણ શું હતું તે તાત્કાલિક જાણી શકાયું નથી, પરંતુ લશ્કરી પ્રવક્તા કર્નલ ફ્રાન્સિસ પેડિલાએ જણાવ્યું હતું કે જ્યારે હેલિકોપ્ટર ક્રેશ થયું ત્યારે બે પાઇલોટ કટોકટી પ્રક્રિયાઓ કરી રહ્યા હતા. પડિલાએ જણાવ્યું હતું કે બંને પાઇલટ ઘાયલ થયા હતા પરંતુ બાદમાં હોસ્પિટલમાં મૃત્યુ પામ્યા હતા.
