ઈલોન મસ્કની એક્સ સાથે સ્પર્ધા કરવા માટે મેટાએ આ વર્ષે જુલાઈમાં થ્રેડ્સ એપ લોન્ચ કરી હતી. થ્રેડ્સ એપ લોન્ચ થતાની સાથે જ વાયરલ થઈ ગઈ હતી. લાખો લોકોએ તેને રાતોરાત ડાઉનલોડ કરી. તે લોન્ચ થયાના 24 કલાકની અંદર સૌથી વધુ ડાઉનલોડ થયેલી એપ પણ બની ગઈ, જોકે તેની લોકપ્રિયતા માત્ર ડાઉનલોડ્સ સુધી જ મર્યાદિત રહી.
લોન્ચ દરમિયાન, થ્રેડ્સમાં એવી ઘણી સુવિધાઓ ન હતી જે અન્ય સોશિયલ મીડિયા એપ્લિકેશન્સમાં ઉપલબ્ધ છે. મેટાએ લોન્ચ દરમિયાન કહ્યું હતું કે ફીચર્સ ધીમે-ધીમે બહાર પાડવામાં આવશે. થોડા દિવસો પહેલા જ થ્રેડ્સ એકાઉન્ટ ડિલીટ કરવાનો ઓપ્શન આવ્યો હતો અને હવે થ્રેડ્સમાં વધુ એક ફીચર આવ્યું છે.
થ્રેડ્સમાં કીવર્ડ સર્ચ માટે કોઈ વિકલ્પ નહોતો, પરંતુ હવે તેનું અપડેટ આવી ગયું છે. ઈન્સ્ટાગ્રામ હેડ એડમ મોસેરીએ પોતાની એક પોસ્ટમાં આ જાણકારી આપી છે.
આ સુવિધાની રજૂઆત પછી, X અને થ્રેડ્સ એક જ પ્લેટફોર્મ બની ગયા છે. હવે આ બંને વચ્ચે તફાવત કરવો ખૂબ મુશ્કેલ છે. રિપોર્ટ અનુસાર થ્રેડ્સમાં ટૂંક સમયમાં એક નવું અપડેટ આવી રહ્યું છે, જેના પછી ઘણી ભાષાઓમાં કીવર્ડ સર્ચ કરી શકાશે. આ ફીચરનું ન્યુઝીલેન્ડ અને ઓસ્ટ્રેલિયામાં પરીક્ષણ કરવામાં આવી રહ્યું છે.
