T20 વર્લ્ડ કપ આ વર્ષે વેસ્ટ ઈન્ડિઝ અને યુએસએ દ્વારા યોજાનાર છે. આ ટુર્નામેન્ટ 1 જૂનથી શરૂ થશે, જેમાં 20 ટીમો પ્રથમ વખત ભાગ લેવા જઈ રહી છે. આ મોટી ટૂર્નામેન્ટ પહેલા એક ટીમે મોટો નિર્ણય લીધો છે. આ ટીમે T20 વર્લ્ડ કપ 2024 માટે નવા બોલિંગ કોચની જાહેરાત કરી છે. ખાસ વાત એ છે કે આ ટીમે પાકિસ્તાનના એક દિગ્ગજ ખેલાડીને પોતાની ટીમનો કોચ બનાવવાનો નિર્ણય કર્યો છે.
આ ટીમે T20 વર્લ્ડ કપ પહેલા એક મોટો નિર્ણય લીધો છે
T20 વર્લ્ડ કપ 2024 પહેલા બાંગ્લાદેશની ટીમે નવા સ્પિન બોલિંગ કોચના નામની જાહેરાત કરી છે. બાંગ્લાદેશે આ જવાબદારી પાકિસ્તાનના ભૂતપૂર્વ લેગ સ્પિનર અને વર્લ્ડ કપ વિજેતા મુશ્તાક અહેમદને સોંપી છે. મુશ્તાક અહેમદ ટી20 વર્લ્ડ કપ 2024ના અંત સુધી બાંગ્લાદેશ ટીમ સાથે કામ કરશે. બાંગ્લાદેશની ટીમમાં રંગના હેરાથની જગ્યાએ મુશ્તાક અહેમદનો સમાવેશ કરવામાં આવ્યો છે. જેમણે ગયા વર્ષે ન્યુઝીલેન્ડ સામેની શરૂઆતની ટેસ્ટ બાદ પોતાનું પદ છોડી દીધું હતું.
મુશ્તાક અહેમદનું મોટું નિવેદન
બાંગ્લાદેશ ટીમના સ્પિન બોલિંગ કોચ બન્યા બાદ મુશ્તાક અહેમદે કહ્યું હતું કે સ્પિન બોલિંગ કોચ તરીકે બાંગ્લાદેશ ક્રિકેટ ટીમનો હિસ્સો બનવું મારા માટે ખૂબ જ સન્માનની વાત છે. હું આ ભૂમિકા માટે આતુર છું અને મારા અનુભવને ખેલાડીઓ સુધી પહોંચાડવા માંગુ છું. હું હંમેશા માનું છું કે તેઓ સૌથી ખતરનાક ટીમોમાંથી એક છે. તમને જણાવી દઈએ કે મુશ્તાક અહેમદ આ મહિનાના અંતમાં ઝિમ્બાબ્વે સામેની ટી20 સીરીઝ માટે તૈયારી કેમ્પ પહેલા બાંગ્લાદેશ ટીમ સાથે જોડાશે.
મુશ્તાક અહેમદની કારકિર્દી
મુશ્તાક અહેમદે પાકિસ્તાન ટીમ માટે 185 ટેસ્ટ અને 161 વનડે વિકેટ લીધી હતી. આ સિવાય તેણે ઈંગ્લેન્ડ, વેસ્ટ ઈન્ડિઝ અને પાકિસ્તાનની ટીમો સાથે સ્પિન બોલિંગ કોચ તરીકે કામ કર્યું છે. તે 2014-16 વચ્ચે પાકિસ્તાન ટીમનો બોલિંગ કન્સલ્ટન્ટ પણ હતો.
