ભારતના લોકો આજે 77મો સ્વતંત્રતા દિવસ ઉજવી રહ્યા છે. આ અવસર પર દરેક લોકો જોશ અને ઉત્સાહથી ભરેલા છે. બોલિવૂડમાં પણ સ્વતંત્રતા દિવસને લઈને અલગ જ ઉત્સાહ જોવા મળી રહ્યો છે. બોલિવૂડ સ્ટાર્સ અલગ અલગ રીતે સ્વતંત્રતા દિવસની ઉજવણી કરી રહ્યા છે. આ દરમિયાન, બોલિવૂડ ખેલાડી કુમારે તેની એક ઇન્સ્ટાગ્રામ પોસ્ટથી ચાહકોમાં હલચલ મચાવી દીધી છે. અક્ષય કુમાર હવે ભારતીય નાગરિક બની ગયો છે. અભિનેતાને ભારતની નાગરિકતા મળી છે.
સ્વતંત્રતા દિવસની શુભેચ્છા આપતી અક્ષય કુમારની પોસ્ટથી હેટર્સને મોટો ફટકો લાગ્યો છે. જે લોકો અક્ષય કુમારની નાગરિકતા પર સવાલ ઉઠાવતા હતા, અભિનેતાએ તેની બોલતી બંધ કરી દીધી છે. અક્ષયે સોશિયલ મીડિયા પર એક પોસ્ટ શેર કરી છે, જેમાં તેણે નાગરિકતા પ્રમાણપત્રની તસવીર પોસ્ટ કરી છે. આ સાથે તેણે કેપ્શનમાં લખ્યું, ‘દિલ અને નાગરિકતા બંને ભારતીય. સ્વતંત્રતા દિવસની શુભેચ્છાઓ.
