ભારતીય સેનાએ બુધવારે પૂર્વ સિક્કિમમાં ઊંચાઈવાળા વિસ્તારોમાં ફસાયેલા 800 થી વધુ પ્રવાસીઓને બચાવ્યા. માહિતી આપતા અધિકારીઓએ જણાવ્યું કે પ્રવાસીઓમાં વૃદ્ધો, મહિલાઓ અને બાળકો પણ સામેલ છે. વાસ્તવમાં, હિમવર્ષા અને ખરાબ હવામાનને કારણે પૂર્વ સિક્કિમના વિવિધ વિસ્તારોમાં પ્રવાસીઓ અટવાઈ ગયા હતા.
અધિકારીઓએ જણાવ્યું હતું કે ભારતીય સેનાના ત્રિશક્તિ કોર્પ્સે બચાવ કામગીરી હાથ ધરી હતી. આ બચાવ કામગીરી મોડી સાંજ સુધી ચાલુ રહી હતી, જેમાં ફસાયેલા તમામ પ્રવાસીઓને સલામત સ્થળે પહોંચાડવામાં આવ્યા હતા. સેનાએ પ્રવાસીઓને આશ્રય, ગરમ વસ્ત્રો, તબીબી સારવાર અને ગરમ ખોરાક પૂરો પાડ્યો હતો.
તેમણે કહ્યું કે સૈનિકોએ ફસાયેલા પ્રવાસીઓને સમાવવા માટે તેમની બેરેક પણ ખાલી કરી.
