અમેરિકાના પડોશી દેશ મેક્સિકોમાં એક દર્દનાક અકસ્માતના સમાચાર સામે આવ્યા છે. મળતી માહિતી મુજબ પશ્ચિમ મેક્સિકોમાં ગુરુવારે હાઈવે નજીક એક પેસેન્જર બસ અકસ્માતનો ભોગ બની હતી. બસ ખીણમાં પડી જતાં તેમાં સવાર 17 લોકોનાં મોત થયાં હતાં. બસમાં 6 ભારતીયો સહિત 40 મુસાફરો સવાર હતા. આ ઘટનામાં લગભગ 22 અન્ય લોકો ઘાયલ થયા છે. જોકે તેમની હાલત સ્થિર હોવાનું કહેવાય છે.
નાયરિત રાજ્ય સુરક્ષા અને નાગરિક સંરક્ષણ સચિવ જોર્જ બેનિટો રોડ્રિગ્ઝે જણાવ્યું હતું કે બચાવ કામગીરીમાં મુશ્કેલીઓનો સામનો કરવો પડી રહ્યો છે. ખાડો લગભગ 50 મીટર (164 ફૂટ) ઊંડો હતો. મૃતકોમાં 14 વયસ્કો અને ત્રણ બાળકોનો સમાવેશ થાય છે. બસમાં 40 મુસાફરો સવાર હતા. દરેક જણ તિજુઆના તરફ જઈ રહ્યા હતા. અકસ્માતનું કારણ હજુ સ્પષ્ટ થયું નથી. અધિકારીઓનું કહેવું છે કે બસ રાજ્યની રાજધાનીની બહારના હાઇવે પર બરાન્કા બ્લાન્કા પાસે દુર્ઘટનાગ્રસ્ત થઈ હતી.
ગયા મહિને બસ અકસ્માતમાં 29 લોકોના મોત થયા હતા.
ગયા મહિનાની શરૂઆતમાં, દક્ષિણના રાજ્ય ઓક્સાકામાં બસ અકસ્માતમાં 29 લોકોના મોત થયા હતા. ફેબ્રુઆરીમાં, મધ્ય મેક્સિકોમાં દક્ષિણ અને મધ્ય અમેરિકાના સ્થળાંતર કરનારાઓને લઈ જતી બસ ક્રેશ થઈ હતી, જેમાં 17 લોકોના મોત થયા હતા.
બસ 50 મીટર ઉંડી ખીણમાં પડી હતી
સિવિલ ડિફેન્સ સેક્રેટરી જોર્જ બેનિટો રોડ્રિગ્ઝે જણાવ્યું હતું કે બસ લગભગ 50 મીટર ઊંડી હોવાથી બચાવ કામગીરી મુશ્કેલ હતી. તેમણે કહ્યું કે 17 મૃતકોમાં ત્રણ બાળકો પણ સામેલ છે.
