CJI DY Chandrachud : કોલેજિયમ હેઠળ હિમાચલ પ્રદેશના બે જિલ્લા ન્યાયાધીશોએ પ્રશ્નો ઉઠાવ્યા છે. આ મામલે તેમણે સુપ્રીમ કોર્ટનો સંપર્ક કર્યો છે. બંને જજોએ તેમના નામ પર વિચાર કરવાની માંગ કરી છે. આક્ષેપો થઈ રહ્યા છે કે હાઈકોર્ટ કોલેજિયમે પણ સુપ્રીમ કોર્ટ કોલેજિયમની સલાહની અવગણના કરી છે અને જુનિયરોના નામ આગળ કર્યા છે.
ટાઈમ્સ ઓફ ઈન્ડિયાના અહેવાલ મુજબ બિલાસપુર અને સોલનના જિલ્લા ન્યાયાધીશો ચિરાગ ભાનુ અને અરવિંદ મલ્હોત્રાએ સુપ્રીમ કોર્ટમાં રિટ અરજી દાખલ કરી છે. આ પિટિશન દ્વારા, તેમણે ટોચની કોર્ટ પાસેથી માગણી કરી છે કે 4 જાન્યુઆરીના પ્રસ્તાવ મુજબ તેમના નામ પર પુનર્વિચાર કરવા માટે હાઈકોર્ટ કોલેજિયમને સૂચનાઓ જારી કરે.
બંને ન્યાયાધીશોનું કહેવું છે કે સુપ્રીમ કોર્ટના કોલેજિયમ દ્વારા તેમના નામ પર પુનર્વિચાર કરવાના નિર્ણય બાદ કેન્દ્રીય કાયદા મંત્રી તરફથી હાઈકોર્ટના મુખ્ય ન્યાયાધીશને એક પત્ર પણ મોકલવામાં આવ્યો હતો. આ પત્ર દ્વારા હાઈકોર્ટના મુખ્ય ન્યાયાધીશને સિંહ અને મલ્હોત્રાના નામ પર પુનર્વિચાર કરવાની વિનંતી કરવામાં આવી હતી. ન્યાયાધીશોનું કહેવું છે કે કાયદા મંત્રીના પત્ર અને સુપ્રીમ કોર્ટ કોલેજિયમની સલાહની અવગણના કરવામાં આવી હતી.
ખાસ વાત એ છે કે ગયા વર્ષે 12 જુલાઈએ હાઈકોર્ટ કોલેજિયમે હાઈકોર્ટના જજ તરીકે નિમણૂક માટે સિંહ અને મલ્હોત્રાના નામની ભલામણ કરી હતી. એવું જાણવા મળે છે કે શરૂઆતમાં તેને અટકાવવામાં આવ્યું હતું. 4 જાન્યુઆરીના રોજ, ભારતના મુખ્ય ન્યાયાધીશ (CJI) DY ચંદ્રચુડની આગેવાની હેઠળના કોલેજિયમે તેમના નામો HC કૉલેજિયમને પુનર્વિચાર માટે મોકલ્યા હતા.
હવે અરજદારોનું કહેવું છે કે હાઈકોર્ટ કોલેજિયમે જાણી જોઈને તેમના નામ હટાવ્યા છે. એવો પણ દાવો કરવામાં આવ્યો છે કે તેમની વરિષ્ઠતાને અવગણીને હાઇકોર્ટના જજ તરીકે બે ‘અયોગ્ય જુનિયર અધિકારીઓ’ના નામની ભલામણ કરવામાં આવી છે.
