પાકિસ્તાનમાંથી એક ચોંકાવનારો કિસ્સો સામે આવ્યો છે. બુધવારે, ઉત્તર-પશ્ચિમ પાકિસ્તાનના ખૈબર પખ્તુનખ્વા પ્રાંતમાં અજાણ્યા બંદૂકધારીઓએ એક ઘરમાં ઘૂસીને અંધાધૂંધ ગોળીબાર કર્યો હતો.
ગોળીબારમાં ત્રણ મહિલાઓ અને છ પુરૂષોના મોત થયા હતા
આ ફાયરિંગમાં એક જ ઘરના 9 સભ્યો માર્યા ગયા હતા. પોલીસના જણાવ્યા અનુસાર, આ ઘટના મલાકંદ જિલ્લાના બટખેલા તાલુકામાં બની હતી. અજાણ્યા હુમલાખોરોએ ત્રણ મહિલાઓ અને છ પુરૂષો સહિત એક પરિવારના નવ સભ્યોની ગોળી મારીને હત્યા કરી હતી.
હત્યા પાછળનું કારણ હજુ જાણી શકાયું નથી
ઘટનાની માહિતી મળતાં જ સ્થાનિક લેવીઝ ફોર્સ ઘટનાસ્થળે પહોંચી ગઈ હતી અને મૃતદેહોને પોસ્ટમોર્ટમ માટે બટખેલા હોસ્પિટલમાં ખસેડ્યા હતા. હત્યા પાછળનું કારણ હજુ પોલીસ જાણી શકી નથી. પોલીસે આ મામલે તપાસ શરૂ કરી છે.
