આપણી ત્યાં આલુ પુરી ખૂબ જ સ્વાદ લઈને ખાવામાં આવે છે. આ રેસીપી મોટાભાગના લોકોને પસંદ હોય છે. ખાસ કરીને દિલ્હીમાં આલુ પુરી સૌથી મનપસંદ સ્ટ્રીટ ફૂડ્સમાંનું એક છે. ઉત્તર ભારતીય સ્ટાઈલમાં આલુ પુરીની રેસીપી ખૂબ જ સ્વાદિષ્ટ હોય છે. જો તમે આ આલુ પુરીનો સ્વાદ ઘરે જ માણવા માગો છો, તો જાણો તેને બનાવવાની સરળ રેસીપી.
- તૈયારીનો સમય: 20 મિનિટ
- રસોઈનો સમય: 10 મિનિટ
- કુલ સમય: 30 મિનિટ
- કટેલા લોકો માટે: 4
પંજાબી આલુ સબઝી બનાવવા માટેની સામગ્રી
- 1/4 કપ બાફેલા બટાકાના ટુકડા
- 1/2 કપ બારીક સમારેલી ડુંગળી
- 1 કપ બારીક સમારેલા ટામેટાં
- 2 ચમચી બારીક સમારેલું લસણ
- 1 ચમચી બારીક સમારેલ લીલું મરચું
- 1 ચમચી બારીક સમારેલુ આદુ
- 2 ચમચી તેલ
- 1/4 ચમચી હળદર પાવડર
- 1 ચમચી મરચું પાવડર
- 1/2 ચમચી ગરમ મસાલો
- 1/2 ટીસ્પૂન કેરી પાવડર
- 2 ચમચી બારીક સમારેલી કોથમીર
- સ્વાદ મુજબ મીઠું
પુરી બનાવવા માટેની સામગ્રી
- 1 કપ ઘઉંનો લોટ
- 2 ચમચી તેલ
- 1/4 ચમચી મીઠું
- તળવા માટે તેલ
પંજાબી આલુ સબઝી બનાવવાની રીત
- એક પહોળા નોન-સ્ટીક પેનમાં તેલ ગરમ કરો.
- તેમાં ડુંગળી, લસણ, આદુ અને લીલા મરચાં નાખી મધ્યમ આંચ પર 2 મિનિટ સુધી સાંતળી લો.
- હવે ટામેટાં ઉમેરીને સારી રીતે મિક્સ કરો.
- ત્યારબાદ મધ્યમ આંચ પર 3 મિનિટ સુધી વચ્ચે-વચ્ચે હલાવતા રહી રાંધો.
- હવે મરચું પાવડર, હળદર પાવડર, ગરમ મસાલો, કેરી પાવડર અને 1/4 કપ પાણી ઉમેરીને સારી રીતે મિક્સ કરો.
- હવે મધ્યમ આંચ પર 1 થી 2 મિનિટ સુધી વચ્ચે-વચ્ચે હલાવતા રહી રાંધો.
- બટાકા, ધાણાજીરું, 1/2 કપ પાણી અને મીઠું મેળવી સારી રીતે મિક્સ કરો.
- મધ્યમ આંચ પર 3 મિનિટ સુધી વચ્ચે-વચ્ચે હલાવતા રહી રાંધી લો.
પુરી બનાવવાની રીત
- ઘઉંનો લોટ, તેલ અને મીઠું મિક્સ કરીને લગભગ 5 ચમચી પાણી વડે સખત લોટ બાંધો.
- તેને ઢાંકીને 10 થી 15 મિનિટ માટે સાઈડ પર મૂકી દો.
- લોટના 12 સમાન ભાગોમાં બોલ બનાવી લો.
- એક પેનમાં તેલ ગરમ કરીને થોડી પુરીઓ તેલમાં નાખીને બંને બાજુએ ગોલ્ડન બ્રાઉન થાય ત્યાં સુધી તળો.
- હવે ટિશ્યુ પેપર પર પુરીને બહાર કાઢો.
હવે પંજાબી આલુ સબઝી સાથે પુરીઓને ગરમાગરમ સર્વ કરો.
