ESAF સ્મોલ ફાઇનાન્સ બેંક પ્રારંભિક પબ્લિક ઓફરિંગમાં નાણાંનું રોકાણ કરનારાઓ માટે એક સુવર્ણ તક લાવી રહી છે. IPO આજથી એટલે કે શુક્રવાર 3 નવેમ્બર 2023 થી ખુલી રહ્યો છે. જ્યારે રોકાણકારો તેમાં 7 નવેમ્બર 2023 સુધી નાણાં રોકી શકે છે. બેંક આ IPO દ્વારા 463 કરોડ રૂપિયા એકત્ર કરવાનો પ્રયાસ કરી રહી છે. જો તમે પણ આ IPO (ESAF Small Finance Bank IPO) માં સબ્સ્ક્રાઇબ કરવાનું વિચારી રહ્યા છો, તો અમે તેની વિગતો વિશે માહિતી આપી રહ્યા છીએ.
કંપનીએ કેટલી પ્રાઇસ બેન્ડ નક્કી કરી?
ESAF Small Finance Bank IPOની પ્રાઇસ બેન્ડ પ્રતિ શેર રૂ. 57 થી રૂ. 60 વચ્ચે નક્કી કરવામાં આવી છે. આ આઈપીઓ દ્વારા કંપની કુલ રૂ. 390.70 કરોડના નવા શેર ઈશ્યુ કરવા જઈ રહી છે. ઓફર ફોર સેલ દ્વારા રૂ. 72.30 કરોડના શેરનું વેચાણ કરવામાં આવી રહ્યું છે. આ IPOમાં કંપનીના પ્રમોટર્સ ESAF ફાયનાન્સિયલ હોલ્ડિંગ, PNB મેટલાઈફ ઈન્ડિયા ઈન્સ્યોરન્સ કંપની અને બજાજ આલિયાન્ઝ લાઈફ ઈન્સ્યોરન્સ કંપની તેમના શેર વેચવા જઈ રહ્યા છે.
કેટલું રોકાણ કરવું પડશે?
કંપની દ્વારા આપવામાં આવેલી માહિતી અનુસાર, તમારે આ IPOમાં ઓછામાં ઓછા 250 ઇક્વિટી શેર ખરીદવા પડશે. આ પછી તમે 250 શેરના લોટ સાઇઝમાં રોકાણ કરી શકો છો. આવી સ્થિતિમાં રિટેલ રોકાણકારોએ ઓછામાં ઓછા 14,250 રૂપિયાનું રોકાણ કરવું પડશે. કંપનીએ IPO ખુલ્યા પહેલા 2 નવેમ્બરે એન્કર રોકાણકારો પાસેથી રૂ. 135.15 કરોડ એકત્ર કર્યા છે.
આ IPOમાં, કંપનીએ લાયકાત ધરાવતા સંસ્થાકીય ખરીદદારો માટે 50 ટકા શેર અને બિન-સંસ્થાકીય ખરીદદારો માટે 15 ટકા શેર અનામત રાખ્યો છે. જ્યારે રિટેલ રોકાણકારો માટે 35 ટકા હિસ્સો નક્કી કરવામાં આવ્યો છે. કંપનીના શેરનું લિસ્ટિંગ BSE અને NSE પર 16 નવેમ્બરે થશે.
