ઈંગ્લેન્ડમાં ચાલી રહેલા વન-ડે કપમાં નોર્થમ્પટનશાયરને મોટો આંચકો લાગ્યો છે. ભારતનો સ્ટાર ઓપનર પૃથ્વી શૉ બાકીની ટૂર્નામેન્ટમાંથી બહાર થઈ ગયો છે. આ પ્રતિભાશાળી બેટ્સમેનને રવિવારે ઘૂંટણની ગંભીર ઈજા થઈ છે. પૃથ્વીએ નોર્થમ્પટનશાયર સાથે તેની પ્રથમ કાઉન્ટી સિઝનમાં ઘણા રેકોર્ડ તોડ્યા હતા. જોકે, ગયા અઠવાડિયે ડરહામ સામેની વન-ડે કપ મેચમાં ફિલ્ડિંગ કરતી વખતે તેને ઘૂંટણમાં ઈજા થઈ હતી. પૃથ્વીએ આ ટીમ માટે બે મોટી ઇનિંગ્સ રમી હતી. જેમાં સમરસેટ સામે 244 અને ડરહામ સામે 125 રનનો સમાવેશ થાય છે.
નોર્થમ્પટનશાયર દ્વારા જાહેર કરવામાં આવેલા એક સત્તાવાર નિવેદન અનુસાર, પૃથ્વી શૉ ઈંગ્લેન્ડમાં એક્શનથી ભરપૂર વન-ડે કપમાં હવે રમશે નહીં. સ્કેન રિપોર્ટમાં જાણવા મળ્યું કે શૉની ઈજા અપેક્ષા કરતાં વધુ ગંભીર હતી. તેની ઈજા પર નજર રાખીને ભારતીય ક્રિકેટ કંટ્રોલ બોર્ડ (BCCI)ની મેડિકલ ટીમ શુક્રવારે લંડનમાં નિષ્ણાતનો સંપર્ક કરશે. નોર્થમ્પટનશાયરના મુખ્ય કોચ જોન સેડલરે કહ્યું- પૃથ્વીએ અમારા પર ભારે પ્રભાવ પાડ્યો છે. આ ટૂર્નામેન્ટની બાકીની મેચો માટે તે અમારી સાથે નહીં હોય તે ખૂબ જ દુઃખદ છે. તે ખૂબ જ નમ્ર ખેલાડી છે. અમને તેમના માટે ખૂબ માન છે. અમે આભારી છીએ કે તેણે નોર્થમ્પટનશાયરનું પ્રતિનિધિત્વ કર્યું.
ભારતના ઓપનરે ગયા અઠવાડિયે કાઉન્ટી ગ્રાઉન્ડ ખાતે સોમરસેટ સામે નોર્થમ્પટનશાયર માટે છઠ્ઠો સૌથી વધુ ODI સ્કોર (244 રન) બનાવ્યો હતો. તે ODI કપના ઈતિહાસમાં 150થી વધુનો સ્કોર નોંધાવનાર બીજો ભારતીય બેટ્સમેન બન્યો. નોર્થમ્પટનશાયરની સમરસેટ સામે 87 રનની જીતમાં, પૃથ્વીએ 153 બોલમાં 28 ચોગ્ગા અને 11 છગ્ગાની મદદથી રેકોર્ડબ્રેક 244 રન બનાવ્યા હતા. આ પછી આ સ્ટાર બેટ્સમેને ફરી એકવાર ડરહામ સામે શાનદાર સદી ફટકારી હતી. ત્યારબાદ તેણે 76 બોલમાં 125 રનની ઇનિંગ રમી હતી. 23 વર્ષીય પૃથ્વીએ પોતાની ઇનિંગમાં 15 ચોગ્ગા અને સાત છગ્ગા ફટકાર્યા હતા.
મેદાન પરના તેના પ્રદર્શનની સાથે સાથે, તે અમારા ડ્રેસિંગ રૂમમાં ખૂબ પ્રભાવશાળી હતો, ”કોચ સેડલરે કહ્યું. તેના કરતાં વધુ કોઈ મેચ જીતવાની ઈચ્છા રાખતું ન હતું અને તેણે આ ટીમને જીતવામાં મદદ કરી હતી. અમે તેને ઝડપથી સ્વસ્થ થવાની શુભેચ્છા પાઠવીએ છીએ અને આશા રાખીએ છીએ કે તે ટૂંક સમયમાં ફરી રન બનાવશે.
