ગ્રીન ટીનું સેવન સ્વાસ્થ્ય માટે ખૂબ જ ફાયદાકારક માનવામાં આવે છે. તેના સેવનથી ઘણી બીમારીઓનું જોખમ ઓછું થાય છે. તે વજન ઘટાડવામાં અને હૃદયની બીમારીઓને ઓછી કરવામાં મદદરૂપ છે. ગ્રીન ટી એન્ટી-ઓક્સીડેન્ટ ગુણોથી ભરપૂર હોય છે. જે પાચન માટે પણ મદદરૂપ છે. અભ્યાસ અનુસાર, તેમાં પોલીફેનોલ્સ હોય છે, જે કેન્સરનું જોખમ ઘટાડે છે. તો ચાલો જાણીએ ગ્રીન ટીના ફાયદા.
1. ડાયાબિટીસના દર્દીઓ માટે
ગ્રીન ટીમાં પોલિફીનોલ્સ અને પોલિસેકેરાઇડ્સ જોવા મળે છે, જે ડાયાબિટીસમાં મદદરૂપ છે. ગ્રીન ટી લોહીમાં શર્કરાના સ્તરને સ્થિર રાખવામાં મદદ કરે છે.
2. વજન ઘટાડવામાં ફાયદાકારક
ગ્રીન ટીનું સેવન કરવાથી શરીરમાં જમા થતી ચરબીને ઓછી કરી શકાય છે. તે શરીરની મેટાબોલિક પ્રક્રિયાને વધારે છે. જેના કારણે તે વજન ઘટાડવામાં ઘણી મદદ કરે છે. તમે વજન ઘટાડવાના આહારમાં ગ્રીન ટીનો સમાવેશ કરી શકો છો.
3. કોલેસ્ટ્રોલ ઘટાડવામાં મદદરૂપ
ગ્રીન ટી ખરાબ કોલેસ્ટ્રોલને ઘટાડવામાં મદદરૂપ છે, સાથે જ તે સારા કોલેસ્ટ્રોલને વધારવામાં પણ મદદ કરે છે. તેનું નિયમિત સેવન હાર્ટ સ્ટ્રોકનું જોખમ ઘટાડી શકે છે.
4. હાઈ બ્લડ પ્રેશર માટે ફાયદાકારક
જો તમને હાઈ બ્લડ પ્રેશરની સમસ્યા છે, તો તમે નિયમિતપણે ગ્રીન ટીનું સેવન કરી શકો છો. તે હાઈ બ્લડ પ્રેશરનું જોખમ ઘટાડવામાં મદદરૂપ છે.
5. એન્ટી એજિંગ માટે મદદરૂપ
ગ્રીન ટીમાં એન્ટીઓક્સીડેન્ટ ગુણ જોવા મળે છે. જે ત્વચા સંબંધિત સમસ્યાઓ માટે મદદરૂપ છે. જો તમે વૃદ્ધત્વને ટાળવા માંગતા હોવ તો દરરોજ ગ્રીન ટીનું સેવન કરો.
ગ્રીન ટી કેવી રીતે બનાવવી
જો તમે ગ્રીન ટી બેગનો ઉપયોગ નથી કરતા તો તમે આ રીતે પણ ગ્રીન ટી બનાવી શકો છો. તેને બનાવવા માટે સૌપ્રથમ પાણી ઉકાળો, તેમાં ગ્રીન ટી નાખીને થોડી વાર ઢાંકીને ગેસ બંધ કરી દો. ત્યાર બાદ તેને ગાળીને પી લો.
