ઈઝરાયેલની વાયુસેનાએ કહ્યું છે કે હમાસના વાયુસેના પ્રમુખ મુરાદ અબુ મુરાદ તેના હુમલામાં માર્યા ગયા છે. ઈઝરાયેલે શુક્રવારે હમાસના વાયુસેનાના મુખ્ય મથક પર હવાઈ હુમલો કર્યો, જેમાં મુરાદ અબુ મુરાદના મોતના અહેવાલ છે. ઇઝરાયેલની વાયુસેનાએ એક નિવેદનમાં જણાવ્યું હતું કે ગયા શનિવારે હમાસના આતંકવાદીઓને સૂચના મુરાદ અબુ મુરાદ દ્વારા આપવામાં આવી હતી.
ઈઝરાયેલે ગાઝા પટ્ટીમાં હમાસના સ્થાનો પર બોમ્બ વરસાવ્યા હતા
ઈઝરાયેલની વાયુસેનાએ સોશિયલ મીડિયા પર શેર કરેલી પોસ્ટમાં લખ્યું છે કે ‘ગઈકાલે એરફોર્સના ફાઈટર જેટ્સે હવાઈ ગતિવિધિઓ ચલાવતા આતંકવાદી સંગઠન હમાસના હેડક્વાર્ટર પર હુમલો કર્યો હતો.
આ હુમલામાં મુરાદ અબુ મુરાદ માર્યો ગયો હતો. ઇઝરાયલી વાયુસેનાએ કહ્યું કે અન્ય હુમલાઓમાં તેઓએ હમાસ કમાન્ડો દળોના સ્થાનો પર બોમ્બમારો કર્યો હતો. ગત રાત્રે પણ ઈઝરાયલી આર્મીના ફાઈટર જેટ્સે ગાઝા પટ્ટીમાં મોટા પાયે હુમલો કર્યો હતો. આ સિવાય એક આતંકવાદી સેલને પણ ઓળખીને નિશાન બનાવવામાં આવ્યું હતું, જેમાં ઘણા આતંકવાદીઓ માર્યા ગયાના અહેવાલ છે. ઈઝરાયેલે કહ્યું કે આ આતંકવાદીઓ લેબનોનથી ઈઝરાયેલની સરહદમાં પ્રવેશવાનો પ્રયાસ કરી રહ્યા હતા.
