તેજ સજ્જા સ્ટારર ફિલ્મ હનુમાનના ટ્રેલરની રાહ આખરે પૂરી થઈ ગઈ છે. મંગળવારે, નિર્માતાઓએ ફિલ્મનું ટ્રેલર રિલીઝ કર્યું. આ ફિલ્મમાં ભગવાન હનુમાનની શક્તિઓ સાથે એક નવા ભારતીય સુપરહીરોને દર્શકો સમક્ષ રજૂ કરવામાં આવ્યો છે. આ ફિલ્મ આવતા વર્ષે 12 જાન્યુઆરી, 2024ના રોજ મકરસંક્રાંતિના અવસર પર સિનેમાઘરોમાં રિલીઝ થશે. આ ફિલ્મનું દિગ્દર્શન પ્રશાંત વર્મા દ્વારા કરવામાં આવ્યું છે, જેઓ સિનેમાની નવી દુનિયા બનાવવાની તૈયારી કરી રહ્યા છે.
તમને જણાવી દઈએ કે આ ફિલ્મ એક ભારતીય સુપરહીરોના પાત્ર પર આધારિત છે, જેમાં અભિનેતા તેજા સજ્જા મુખ્ય ભૂમિકામાં છે. આ સિવાય આ ફિલ્મમાં વિનય રાય, અમૃતા અય્યર, વરલક્ષ્મી સરથ કુમાર, રાજ દીપક શેટ્ટી અને વેનેલા કિશોર જેવા ઘણા કલાકારો મહત્વની ભૂમિકામાં જોવા મળશે.
