ક્વીન્સલેન્ડના દરિયાકિનારે લિન્ડેમેન ટાપુ નજીક ઓસ્ટ્રેલિયન લશ્કરી હેલિકોપ્ટર પાણીમાં તૂટી પડતાં ચાર લશ્કરી કર્મચારીઓ ગુમ થયા છે. સંરક્ષણ વિભાગે શનિવારે આ અંગે માહિતી આપી છે.
લશ્કરી કામગીરી દરમિયાન અકસ્માત
વિભાગે જણાવ્યું હતું કે ઑસ્ટ્રેલિયન આર્મી MRH-90 Taipan હેલિકોપ્ટર ઑસ્ટ્રેલિયા અને યુએસ વચ્ચે દ્વિપક્ષીય સંયુક્ત લશ્કરી કવાયત, એક્સરસાઇઝ ટેલિસમેન સેબર 2023 ના ભાગ રૂપે રાત્રિ-સમયની તાલીમ પ્રવૃત્તિમાં ભાગ લઈ રહ્યું હતું. દરમિયાન શુક્રવારે મોડી રાત્રે તે ગુમ થયાની જાણ થઈ હતી.
અકસ્માત બાદ સેનાના ચાર જવાન લાપતા છે
ઘટના સમયે ચાર ક્રૂ મેમ્બર્સ બોર્ડમાં હતા, જેઓ ઘટના બાદ હજુ સુધી ગુમ છે. આ માહિતી મળતાં જ બચાવ કામગીરી શરૂ કરી દેવામાં આવી છે. વિભાગે જણાવ્યું હતું કે સૈન્ય અને નાગરિક શોધ અને બચાવ વિમાન અને જહાજો ઘટનાસ્થળે શોધ અને બચાવ કામગીરી કરી રહ્યા છે.
અસરગ્રસ્ત જવાનોના પરિવારજનોને જાણ કરવામાં આવી છે. હાલ ગુમ થયેલા અધિકારીઓ અંગે કોઈ સુરાગ મળ્યો નથી. આ મામલે વધુ વિગતોની રાહ જોવાઈ રહી છે.
