નેપાળમાં એક હેલિકોપ્ટર ગુમ થયું છે. તેમાં 5 વિદેશી નાગરિકો સહિત 6 લોકો હતા. માહિતી અધિકારી જ્ઞાનેન્દ્ર ભુલે જણાવ્યું હતું કે, હેલિકોપ્ટર સોલુખુમ્બુથી કાઠમંડુ જઈ રહ્યું હતું અને સવારે 10 વાગ્યે કંટ્રોલ ટાવર સાથે સંપર્ક તૂટી ગયો હતો. કોલ સાઇન 9NMV ધરાવતું હેલિકોપ્ટર સવારે 10:12 વાગ્યે (સ્થાનિક સમય) રડારથી દૂર ગયું હતું.
નેપાળની સિવિલ એવિએશન ઓથોરિટીએ ટ્વીટ કર્યું છે કે હેલિકોપ્ટરમાં 5 મુસાફરો અને એક કેપ્ટન હતો. શોધ અને બચાવ કામગીરી ચાલી રહી છે.
શું છે સમગ્ર મામલો
નેપાળમાં મનાંગ એરનું હેલિકોપ્ટર માઉન્ટ એવરેસ્ટ નજીક મંગળવારે ગુમ થયું હતું. હેલિકોપ્ટરમાં છ લોકો સવાર હતા. ત્રિભુવન ઇન્ટરનેશનલ એરપોર્ટના જનરલ મેનેજર પ્રતાપ બાબુ તિવારીએ જણાવ્યું હતું કે 9N-AMV હેલિકોપ્ટર ઉડાન ભર્યાના 15 મિનિટ પછી સંપર્ક તૂટી ગયો હતો.
‘કાઠમંડુ પોસ્ટ’ અખબાર દ્વારા નેપાળના નાગરિક ઉડ્ડયન પ્રાધિકરણના માહિતી અધિકારી જ્ઞાનેન્દ્ર ભુલને ટાંકીને જણાવવામાં આવ્યું હતું કે રાજધાની કાઠમંડુ માટે સવારે 9.45 વાગ્યે સોલુખુમ્બુના સુર્કીથી હેલિકોપ્ટર ઉડાન ભરી હતી. હિમાલયન ટાઈમ્સ અખબારે એક સ્ત્રોતને ટાંકીને જણાવ્યું હતું કે પ્રાથમિક અહેવાલો અનુસાર, પાયલટ ચેત ગુરુંગ સાથે હેલિકોપ્ટરમાં કુલ છ લોકો સવાર હતા.