તેલંગાણા રાજ્ય માર્ગ પરિવહન નિગમની બસ હનુમાકોંડા જિલ્લામાં ઝાડ સાથે અથડાતાં ગર્ભવતી મહિલા સહિત 26 લોકો ઘાયલ થયા હતા. પોલીસે જણાવ્યું કે, વારંગલથી કરીમનગર જઈ રહેલી બસ હનુમાકોંડા જિલ્લાના હસનપર્થી પોલીસ સ્ટેશનની હદમાં એક ઝાડ સાથે અથડાઈ હતી. ઈજાગ્રસ્તોને સારવાર માટે હોસ્પિટલમાં લઈ જવામાં આવ્યા છે.
કાઝીપેટના આસિસ્ટન્ટ પોલીસ કમિશનર ડેવિડ રાજુના જણાવ્યા અનુસાર, આ ઘટના સાંજે લગભગ 7.30 વાગ્યે બની હતી. બસ વારંગલથી કરીમનગર જઈ રહી હતી. બસમાં કુલ 55 મુસાફરો સવાર હતા. આ ઘટનામાં 26 મુસાફરો ઘાયલ થયા છે. મહિલાની હાલત નાજુક છે.
