કર્ણાટકમાં ભયાનક માર્ગ અકસ્માત, કાર ટેન્કર સાથે અથડાતા 12 લોકોના ઘટનાસ્થળે જ મોત

કર્ણાટકમાં એક મોટો માર્ગ અકસ્માત થયો છે. ટેન્કર સાથે એસયુવી અથડાતા 12 લોકોના ઘટનાસ્થળે જ મોત થયા હતા. અકસ્માતમાં એક વ્યક્તિ ગંભીર રીતે ઘાયલ થયો હતો.

પાર્ક કરેલા ટેન્કરમાં કાર ઘૂસી, 12ના મોત
પોલીસ પાસેથી મળેલી માહિતી મુજબ, આ અકસ્માત ચિક્કાબલ્લાપુર જિલ્લા મુખ્યાલય શહેરની બહારના ભાગમાં થયો હતો. કાર બાગેપલ્લીથી ચિક્કાબલ્લાપુર જઈ રહી હતી ત્યારે ડ્રાઈવરે ઉભેલા ટેન્કરને ટક્કર મારી હતી, પરિણામે ચાર મહિલાઓ સહિત 12 મુસાફરોના ઘટનાસ્થળે જ મોત થયા હતા.

એક વ્યક્તિ ગંભીર રીતે ઘાયલ થયો છે અને તેની નજીકની હોસ્પિટલમાં સારવાર ચાલી રહી છે.