મોરબીમાં છેલ્લા કેટલાક દિવસોથી સગીરો અને યુવતીઓની છેડતીના અનેક વીડિયો વાયરલ થઈ રહ્યા છે. ત્યારે જિલ્લાનો વધુ એક વીડિયો સોશિયલ મીડિયા પર વાયરલ થયો છે. જેમાં યુવતી પર અત્યાચાર ગુજારનાર બે યુવકોને પાઠ ભણાવ્યા બાદ ગ્રામજનોએ મુંડન કરાવ્યું હતું.
પ્રાપ્ત માહિતી અનુસાર, મોરબી જિલ્લાના ઘુંટુ ગામમાં બે યુવકો યુવતીની છેડતી કરતા હતા. સાંજે ગ્રામજનોએ જોયું કે બે યુવકો યુવતીની છેડતી કરી રહ્યા હતા. ગ્રામજનોએ આ યુવકોને પકડી લીધા હતા. પકડાયેલા યુવકો ફરી આવું વર્તન ન કરે અને અન્ય લોકો પણ શીખે તે માટે ગ્રામજનો દ્વારા આ યુવકોને પાઠ ભણાવવાનો નિર્ણય લેવામાં આવ્યો હતો.
ગ્રામજનો એક જગ્યાએ એકઠા થયા અને આ યુવકોને પકડી લીધા. બાદમાં યુવકોએ મુંડન કરાવ્યું હતું. ઘુંટુ ગામના લોકો દ્વારા યુવકના મુંડનનો વીડિયો ત્યાં હાજર એક વ્યક્તિએ બનાવીને સોશિયલ મીડિયા પર વાયરલ કર્યો હતો.
પોલીસ દ્વારા આવા બદમાશો સામે કાર્યવાહી કરવામાં આવે તેવી પણ ગ્રામજનોની માંગ છે. આ પહેલા પણ ધારાસભ્ય કાંતિ અમૃતિયાએ પણ આ અંગે તંત્રને કડક સૂચના આપી હતી.
