16 વર્ષ પહેલા નેપાળમાં લોકો રસ્તા પર ઉતરી આવ્યા હતા અને તત્કાલિન રાજા જ્ઞાનેન્દ્ર શાહને રાજગાદી છોડવા માટે દબાણ કર્યું હતું અને દેશે લોકશાહી અપનાવી હતી. જો કે, હવે હિમાલયના દેશની જનતાનો લોકશાહીથી મોહભંગ થઈ ગયો છે. હવે તેઓ રસ્તાઓ પર વિરોધ પ્રદર્શન કરી રહ્યા છે અને રાજાશાહી પાછી લાવવાની માંગ કરી રહ્યા છે.
ભ્રષ્ટાચાર અને શાસનમાં નિષ્ફળતાનો આરોપ
તમને જણાવી દઈએ કે 2005 સુધી જ્ઞાનેન્દ્ર શાહ કાર્યકારી અને રાજકીય સત્તા વિના દેશના બંધારણીય વડા હતા. તેમણે સરકાર અને સંસદનું વિસર્જન કર્યું અને શાસન માટે સેનાનો ઉપયોગ કર્યો. નેપાળમાં વર્તમાન વ્યવસ્થા પ્રત્યે લોકોમાં નિરાશા વધી રહી છે અને બદલાવની માંગ થઈ રહી છે.
લોકોએ રાજકીય પક્ષો પર ભ્રષ્ટાચાર અને શાસન કરવામાં નિષ્ફળતાનો આરોપ લગાવ્યો. તેમનું કહેવું છે કે પ્રજાસત્તાક દેશમાં રાજકીય સ્થિરતા લાવવામાં નિષ્ફળ રહ્યું છે અને સંઘર્ષ કરી રહેલી અર્થવ્યવસ્થા અને વધતા ભ્રષ્ટાચાર માટે જવાબદાર છે.
હિંદુ ધર્મને રાજ્ય ધર્મ બનાવવાની માંગ
દેશમાં રાજાશાહી તરફી રેલીઓ મોટી બની રહી છે. ગયા મહિને, કાઠમંડુમાં વિરોધીઓએ રાજાશાહીના સમર્થનમાં સૂત્રોચ્ચાર કર્યા હતા. વિરોધીઓએ માંગ કરી હતી કે રાજશાહને ફરી એકવાર રાજા તરીકે પુનઃસ્થાપિત કરવામાં આવે અને હિંદુ ધર્મને રાજ્ય ધર્મ તરીકે માન્યતા આપવામાં આવે.
