ભારતીય રાજદૂતે ઈરાનના ચાબહાર પોર્ટની મુલાકાત લીધી, અધિકારીઓ સાથે વાતચીત કરી

ઈરાનમાં ભારતીય રાજદૂત રૂદ્ર ગૌરવ શ્રેષ્ઠે 14 જુલાઈએ ચાબહાર બંદરની મુલાકાત લીધી હતી. રાજદૂત તરીકેનો કાર્યભાર સંભાળ્યા બાદ બંદરની આ તેમની પ્રથમ મુલાકાત હતી.

પોર્ટ અધિકારીઓ સાથે વાતચીત

પોર્ટની તેમની પ્રથમ મુલાકાત પર, રાજદૂતે અનેક વરિષ્ઠ અધિકારીઓ સાથે વાતચીત કરી. ભારત ઈરાનના ચાબહાર ફ્રી ટ્રેડ ઝોનમાં આવેલા શાહિદ બેહેશ્તી બંદર પર રોજબરોજની પ્રવૃત્તિઓનું સંચાલન કરે છે. આ બંદર ભારત માટે વ્યૂહાત્મક મહત્વ ધરાવે છે.

ચાબહાર બંદરથી ધંધો પૂરજોશમાં ચાલી રહ્યો છે

ઈરાનના વ્યૂહાત્મક ચાબહાર પોર્ટમાં ભારતની મજબૂત હાજરી જોવા મળે છે. અહીં ધંધો પૂરજોશમાં ચાલી રહ્યો છે.

ભારત શાહિદ બેહેશ્તી પોર્ટના પ્રથમ તબક્કાનો વિકાસ કરી રહ્યું છે

ભારત ચાબહારમાં શાહિદ બેહેશ્તી બંદરના પ્રથમ તબક્કાનો વિકાસ કરી રહ્યું છે. પ્રથમ તબક્કાના અંતે પોર્ટની ક્ષમતા 8.5 મિલિયન ટન (MT) સુધી પહોંચી જશે.