વૈશ્વિક સ્તરે ભૌગોલિક રાજકીય પડકારો સાથે અમેરિકા અને યુરોપમાં મંદી હોવા છતાં, રોકાણકારો ચાલુ નાણાકીય વર્ષ 2023-24માં નિફ્ટી 50 થી 19 ટકા સુધીનું વળતર મેળવી શકે છે. એડલવાઈસના રિપોર્ટમાં આ અંદાજ સામે આવ્યો છે. સ્થાનિક અર્થતંત્રની મજબૂતાઈ અને વિદેશી સંસ્થાકીય રોકાણ (FII)માં વધારાની શક્યતાને ધ્યાનમાં રાખીને આનું અનુમાન મુખ્યત્વે કરવામાં આવી રહ્યું છે.
FIIનો ટ્રેન્ડ ફરી ભારત તરફ રહેવાની ધારણા છે.
આગામી નાણાકીય વર્ષ 2024-25માં શેરબજારમાંથી 15 ટકા સુધીનું વળતર મળી શકે છે. મોટી કંપનીઓના 50 અગ્રણી શેરોને નિફ્ટી 50 તરીકે ઓળખવામાં આવે છે. રિપોર્ટ અનુસાર બેન્કિંગ સેક્ટરમાંથી તમામ પ્રકારની લોનમાં સતત વધારો, ઈન્ફ્રાસ્ટ્રક્ચર સેક્ટરમાં મૂડી ખર્ચની સાથે ખાનગી ખર્ચમાં વધારો, છેલ્લા દોઢ વર્ષમાં રિયલ એસ્ટેટ સેક્ટરનું સારું પ્રદર્શન. સ્થાનિક મોરચે આર્થિક સ્થિતિ મજબૂત જોવા મળી રહી છે. આ સિવાય ફોરેન ઈન્સ્ટિટ્યુશનલ ઈન્વેસ્ટમેન્ટ (FII)નો ટ્રેન્ડ ફરીથી ભારતના બજાર તરફ રહેવાની ધારણા છે.
મોર્ગન સ્ટેનલી કેપિટલ ઈન્ટરનેશનલના અહેવાલ મુજબ, ભારત હજુ પણ ઇમર્જિંગ માર્કેટ ઈન્ડેક્સમાં ચીન પછી બીજા ક્રમે છે, જે વિદેશી સંસ્થાકીય રોકાણ વધારવામાં મદદ કરશે. નાણાકીય વર્ષ 2021-22માં આ સૂચકાંક 12.8 ટકા હતો, જે નાણાકીય વર્ષ 2022-23માં વધીને 16.2 થયો.
એડલવાઈસના CIO (ઈક્વિટી) ત્રિદીપ ભટ્ટાચાર્યએ જણાવ્યું કે દિવાળી પછી બજારમાં ફરી તેજી જોવા મળી શકે છે. ત્યાં સુધીમાં વૈશ્વિક મંદી પણ ઓછી થવાની સંભાવના છે. આ વર્ષના અંત સુધીમાં મધ્યપ્રદેશ, રાજસ્થાન, તેલંગાણા જેવા ઘણા રાજ્યોમાં ચૂંટણી છે અને આવતા વર્ષે કેન્દ્ર માટે ચૂંટણી છે.
તેનાથી ખર્ચમાં વધારો થશે અને અનેક આર્થિક મોરચે અનેક જનહિતના નિર્ણયો લઈ શકાશે. તેમણે કહ્યું હતું કે ખાનગી વપરાશમાં વધારો અને વર્ષોથી તૈયાર મકાનોની ઈન્વેન્ટરીમાં ભારે ઘટાડાથી રિયલ એસ્ટેટ ક્ષેત્રનું પ્રદર્શન સારું રહેશે.
જીએસટી કલેક્શનથી લઈને ઔદ્યોગિક ઉત્પાદન અને સેવા ક્ષેત્રના વધારા સુધી સરકાર દ્વારા મેન્યુફેક્ચરિંગ માટે કરવામાં આવી રહેલા પ્રયાસોના પરિણામો આ નાણાકીય વર્ષમાં જોવા મળશે. ચાલુ નાણાકીય વર્ષમાં કેપિટલ ગુડ્સ, ફાઇનાન્સ અને મેન્યુફેક્ચરિંગ સાથે સંબંધિત સેક્ટરના સમર્થનથી બજારનું વળતર મજબૂત રહેશે.
