IPL 2024: વિશ્વના ટોચના T20 ખેલાડીઓ પર નજર કરીએ તો તેમાં સૂર્યકુમાર યાદવનું નામ પણ સામેલ થશે. બેયરસ્ટોએ સૂર્યા સહિત 3 ખેલાડીઓના વખાણ કર્યા છે.
IPL 2024માં સૂર્યકુમાર યાદવ, જોસ બટલર અને હેનરિક ક્લાસને અત્યાર સુધી સારું પ્રદર્શન કર્યું છે. સૂર્યાએ મુંબઈ માટે જોરદાર ઈનિંગ્સ રમી છે. પંજાબ કિંગ્સના ખેલાડી જોની બેયરસ્ટોએ હાલમાં જ આ ત્રણેય ખેલાડીઓના વખાણ કર્યા છે. તેનું માનવું છે કે આ ત્રણેય ટી20ના સર્વશ્રેષ્ઠ ખેલાડી છે.
બેયરસ્ટોએ સૂર્યા, બટલર અને ક્લાસેનને વિશ્વના સર્વશ્રેષ્ઠ T20 ખેલાડીઓ ગણાવ્યા છે. સૂર્યકુમારે આ સિઝનમાં અત્યાર સુધીમાં 4 મેચ રમી છે. આ દરમિયાન 130 રન બનાવ્યા છે. તેણે બે અડધી સદી ફટકારી છે.
રાજસ્થાન રોયલ્સ માટે બટલરે શાનદાર પ્રદર્શન કર્યું છે. તેણે આ સિઝનમાં 2 સદી ફટકારી છે. બટલરનો સર્વશ્રેષ્ઠ સ્કોર અણનમ 107 રહ્યો છે.
બટલરે આ સિઝનમાં 6 મેચમાં 250 રન બનાવ્યા છે. તેણે IPLમાં કુલ 102 મેચ રમી છે. આ દરમિયાન 3473 રન બનાવ્યા છે.
હૈદરાબાદના ખેલાડી ક્લાસેનનું બેટ પણ સારું રમ્યું છે. તેણે 6 મેચમાં 253 રન બનાવ્યા છે. આ દરમિયાન તેણે 3 અડધી સદી ફટકારી છે. ક્લાસેનનો સર્વશ્રેષ્ઠ સ્કોર અણનમ 80 રહ્યો છે.
