Israel-Hamas War: ઈઝરાયેલના વડાપ્રધાન બેન્જામિન નેતન્યાહુએ રવિવારે કહ્યું કે ઈઝરાયેલ ગાઝા યુદ્ધમાં જીતથી માત્ર એક ડગલું દૂર છે. તેમણે વચન આપ્યું હતું કે જ્યાં સુધી હમાસ તમામ બંધકોને મુક્ત નહીં કરે ત્યાં સુધી યુદ્ધવિરામ નહીં થાય.
પીએમ નેતન્યાહુએ હમાસ આતંકવાદીઓ દ્વારા ઇઝરાયેલ પર અભૂતપૂર્વ હુમલા બાદ 7 ઓક્ટોબરે શરૂ થયેલા યુદ્ધના છ મહિના પૂર્ણ થવા પર કેબિનેટની બેઠકમાં આ વાત કહી.
નેતન્યાહુએ કહ્યું,
અમે વિજયથી એક ડગલું દૂર છીએ, પરંતુ અમે જે કિંમત ચૂકવી તે પીડાદાયક અને હૃદયદ્રાવક છે.
આંતરરાષ્ટ્રીય મધ્યસ્થીઓ સાથે કૈરોમાં યુદ્ધવિરામ વાટાઘાટો ફરી શરૂ થવાની આશા વચ્ચે, તેમણે કહ્યું,
બંધકોને પરત કર્યા વિના યુદ્ધવિરામ થશે નહીં. આવું નહીં થાય.
નેતન્યાહુએ ખાસ ભારપૂર્વક કહ્યું કે ઈઝરાયેલ સમાધાન માટે તૈયાર છે, પરંતુ આત્મસમર્પણ માટે નહીં.
