ખરાબ હવામાનની અડચણો અને શરૂઆતની ટેકનિકલ મુશ્કેલીઓને પાર કરીને ઈસરોએ ફરી એકવાર અવકાશ ક્ષેત્રે ઈતિહાસ રચ્યો છે. ISRO એ તેના માનવરહિત ગગનયાન મિશનનું પરીક્ષણ પ્રક્ષેપણ સફળતાપૂર્વક પૂર્ણ કર્યું. વ્હીકલ એબોર્ટ મિશન-1 (TV-D1) સવારે 10 વાગ્યે શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતું. આ વાહને ક્રૂ મોડ્યુલ અને ક્રૂ એસ્કેપ સિસ્ટમને 17 કિમીની ઊંચાઈએથી મુક્ત કરી હતી. ત્યારબાદ ક્રૂ મોડ્યુલ સિસ્ટમને સફળતાપૂર્વક પેરાશૂટ દ્વારા સમુદ્રમાં ઉતારવામાં આવી હતી.
ઈસરોના વડાએ મિશનની સફળતાની જાહેરાત કરી
ઈસરોના વડાએ મિશનની સફળતાની જાહેરાત કરી અને કહ્યું કે ક્રૂ મોડ્યુલ અને ક્રૂ એસ્કેપ સિસ્ટમનું પરીક્ષણ કરવામાં આવ્યું છે. હવામાનની સમસ્યા પછી, લિફ્ટ ઑફ પ્રક્રિયા દરમિયાન, કમ્પ્યુટરે એન્જિનમાં ખામી દર્શાવી અને ઈસરોની ટીમે તરત જ તેને સુધારી અને અમે તેને સફળતાપૂર્વક પૂર્ણ કરી.
