વડા પ્રધાન નરેન્દ્ર મોદી 30 નવેમ્બર, ગુરુવારે 51,000 થી વધુ યુવાનોને નિમણૂક પત્રોનું વિતરણ કરશે. વીડિયો કોન્ફરન્સિંગ દ્વારા આયોજિત આ કાર્યક્રમમાં પીએમ મોદી વિવિધ સરકારી વિભાગોમાં નિયુક્ત આ યુવાનોને પણ સંબોધિત કરશે.
37 જગ્યાએ મેળાનું આયોજન
જે વિભાગોમાં આ નવનિયુક્ત કર્મચારીઓનો સમાવેશ કરવામાં આવશે તેમાં મહેસૂલ, ગૃહ, ઉચ્ચ શિક્ષણ, શાળા શિક્ષણ, નાણાકીય સેવાઓ, સંરક્ષણ, આરોગ્ય અને પરિવાર કલ્યાણ અને શ્રમ અને રોજગારનો સમાવેશ થાય છે.
વડાપ્રધાન કાર્યાલયે મંગળવારે જણાવ્યું હતું કે ‘રોજગાર મેળા’ના ભાગરૂપે દેશભરમાં 37 સ્થળોએ આ કાર્યક્રમનું આયોજન કરવામાં આવી રહ્યું છે. રોજગાર મેળા હેઠળ, કેન્દ્ર સરકારના વિવિધ વિભાગો તેમજ રાજ્ય સરકારો અને કેન્દ્રશાસિત પ્રદેશોમાં ભરતી થઈ રહી છે.
વિકસિત ભારતનું સપનું સાકાર થશે
તેમાં કહેવામાં આવ્યું છે કે રોજગાર મેળો રોજગારને સર્વોચ્ચ અગ્રતા આપવાની વડાપ્રધાન મોદીની પ્રતિબદ્ધતાને પૂર્ણ કરવાની દિશામાં એક મોટું પગલું છે. નવી નિમણૂંકો દેશના ઔદ્યોગિક, આર્થિક અને સામાજિક વિકાસને મજબૂત બનાવવામાં ફાળો આપશે, જેનાથી વિકસિત ભારતના PM મોદીના વિઝનને સાકાર કરવામાં મદદ મળશે.
