તમિલનાડુના તુતીકોરિન જિલ્લામાં લગ્નના ત્રણ દિવસ બાદ જ એક યુવક દંપતીની હત્યા કરવામાં આવી હતી. પોલીસના જણાવ્યા અનુસાર, તેમની ઓળખ મેરીસેલ્વમ અને કાર્તિગા તરીકે થઈ છે. કન્યાનો પરિવાર આ લગ્નની વિરુદ્ધ હતો. જોકે, બંને એક જ સમુદાયના હતા.
પોલીસને શંકા છે કે આ ડબલ મર્ડર પાછળ દુલ્હનના પરિવારનો હાથ છે. એક પોલીસ અધિકારીએ જણાવ્યું કે સાંજે લગભગ 6.45 વાગ્યે એક ટોળકીએ કપલના ભાડાના ઘરમાં ઘૂસીને તેમની હત્યા કરી નાખી. પોલીસને યુવતીના કાકા પર શંકા છે. તે આ ઘટનામાં સામેલ હોઈ શકે છે. તપાસ ચાલુ છે.
મળતી માહિતી મુજબ, શિપિંગ કંપનીમાં કામ કરતા 23 વર્ષીય મેરિસેલ્વમ અને તેની પત્ની કાર્તિગાના લગ્ન 30 ઓક્ટોબરે એક સ્થાનિક મંદિરમાં થયા હતા. આ દંપતીએ તેમના લગ્નની ઔપચારિકતા માટે સ્થાનિક મહિલા પોલીસ સ્ટેશનનો પણ સંપર્ક કર્યો હતો.
