ઈન્ટરનેશનલ મોનેટરી ફંડ (IMF) એ ભારતને સૌથી ઝડપથી વિકસતો દેશ ગણાવતા કહ્યું કે, જે કામ અર્થશાસ્ત્રી વડાપ્રધાન ન કરી શક્યા તે કામ લોકો માટે સમર્પિત નેતાએ કર્યું.
ભારતનો વિકાસ દર સતત વધી રહ્યો છે: IMF
IMF અનુસાર, આગામી વર્ષે પણ ભારતનો વિકાસ દર વિશ્વના તમામ મોટા દેશો કરતા વધારે રહેશે. અત્યારે વિશ્વની તમામ મોટી અર્થવ્યવસ્થાઓ ખાદ્ય કટોકટી અને મોંઘવારી સામે ઝઝૂમી રહી છે, જ્યારે ભારતનો વિકાસ દર સતત વધી રહ્યો છે અને ભારત સૌથી ઝડપથી વિકસતો દેશ બની ગયો છે. ભારતે પણ વિશ્વના વિકાસ દરમાં મહત્વનું યોગદાન આપ્યું છે.
વર્ષ 2023 માટે તેના અગાઉના અંદાજમાં, IMFએ કહ્યું હતું કે ભારતનો વિકાસ દર 6.1 ટકા રહેશે. ગયા મંગળવારે, IMFએ તેનો અંદાજ બદલ્યો અને કહ્યું કે વર્ષ 2023માં ભારતનો વિકાસ દર 6.3 ટકા રહેશે. જ્યારે ચીનના વિકાસ દર માટે અગાઉ 5.2 ટકાના અંદાજને ઘટાડીને પાંચ ટકા કરવામાં આવ્યો છે.
નેતૃત્વ ખૂબ મહત્વનું છે: અમિત શાહ
IMFના અનુમાન અનુસાર, વર્ષ 2024માં પણ ભારતનો 6.3 ટકાનો વિકાસ દર તમામ મોટા દેશોના વિકાસ દર કરતાં વધુ હશે.
શાહે એક્સ પર કહ્યું કે નેતૃત્વ ખૂબ મહત્વનું છે. તેમણે કહ્યું કે જ્યારે રાષ્ટ્રનું નેતૃત્વ સંવેદનશીલ, મહેનતુ અને સમર્પિત નેતાના હાથમાં હોય ત્યારે અસાધારણ સફળતા નિશ્ચિત છે.
તેમણે વધુમાં કહ્યું હતું કે, “દેશના વિકાસ દરમાં આ પ્રકારની સફળતા વડાપ્રધાન નરેન્દ્ર મોદીના દૂરંદેશી નેતૃત્વને કારણે શક્ય બની છે. તેથી જ આજે દેશ તમામ વિકસિત દેશો કરતાં વધુ ઝડપથી વિકાસ કરી રહ્યો છે.”
ભારત નવીનતાના હબ તરીકે ઉભરી આવ્યું છેઃ પીએમ મોદી
વિકાસ દરને લઈને આઈએમએફના અંદાજ પર વડાપ્રધાન મોદીએ કહ્યું.
તેમણે કહ્યું કે અમે સમૃદ્ધિ તરફની અમારી યાત્રાને મજબૂત કરવાનું ચાલુ રાખીશું અને અમારા સુધારા કાર્યક્રમને પ્રોત્સાહિત કરવાનું પણ ચાલુ રાખીશું.
