પોલેન્ડમાં સોમવારે ખરાબ હવામાનના કારણે અનેક લોકોએ જીવ ગુમાવવો પડ્યો હતો. પોલેન્ડમાં પ્રતિકૂળ હવામાનને કારણે સેસના 208 વિમાન ક્રેશ થયું હતું. ખરાબ હવામાનના કારણે ટેકનિકલ ખામીના કારણે આ વિમાન ‘સ્કાય ડાઈવિંગ’ સેન્ટરમાં બનેલા હેંગરમાં (વિમાન રાખવાની જગ્યા) ક્રેશ થયું હતું. આ દુર્ઘટનામાં પાંચ લોકોના મોત થયા હતા અને આઠ લોકો ઘાયલ થયા હતા. પોલિશ અધિકારીઓએ આ માહિતી આપી.
ફાયર વિભાગના પ્રવક્તા મોનિકા નોવાકોવસ્કા-બ્રિન્ડાએ જણાવ્યું હતું કે તોફાની હવામાનને કારણે વિમાનમાં સવાર પાયલટ અને અન્ય ચાર લોકોએ હેંગરમાં આશ્રય લીધો હતો, પરંતુ મધ્ય પોલેન્ડના ક્રેસિનોમાં બપોરના સુમારે તેઓ તમામના મૃત્યુ થયા હતા.
પોલીસના જણાવ્યા અનુસાર આ અકસ્માતમાં આઠ લોકો ઘાયલ થયા છે. ક્રેસિનો પ્રાંતના ગવર્નર સિલ્વેસ્ટર ડાબ્રોવસ્કીએ જણાવ્યું કે ઘાયલોમાં એક બાળક પણ સામેલ છે. ક્રાસ્નો વોર્સોથી 45 કિલોમીટર ઉત્તરપશ્ચિમમાં સ્થિત છે. અગ્નિશામકો અને એર એમ્બ્યુલન્સ ઘાયલોને નોવી ડ્વોર માઝોવીકી પ્રદેશની હોસ્પિટલોમાં લઈ ગયા. સ્થાનિક ફાયર બ્રિગેડના પ્રવક્તા કેટાર્જીના ઉર્બાનોવસ્કાએ જણાવ્યું હતું કે બચાવકર્તા હજુ પણ અન્ય ઘાયલ લોકો માટે હેંગર શોધી રહ્યા છે. તેમણે કહ્યું કે પોલીસ અકસ્માતના કારણની તપાસ કરી રહી છે.