વડાપ્રધાન મોદી નરેન્દ્રને ફિજીના સર્વોચ્ચ સન્માન ‘કમ્પેનિયન ઓફ ધ ઓર્ડર ઓફ ફિજી’થી નવાજવામાં આવ્યા છે. પીએમ મોદીને આ સન્માન ફિજીના પીએમ સિટિવેની રાબુકા દ્વારા વૈશ્વિક નેતૃત્વને ધ્યાનમાં રાખીને આપવામાં આવ્યું છે. ફિજીનું સર્વોચ્ચ સન્માન અત્યાર સુધી માત્ર થોડા જ બિન-ફિજીયનોને આપવામાં આવ્યું છે.
પીએમ મોદી તેમના ત્રણ દેશોના પ્રવાસના બીજા તબક્કામાં 21 મેના રોજ પાપુઆ ન્યુ ગિની પહોંચ્યા હતા. કોઈ ભારતીય વડાપ્રધાનની પાપુઆ ન્યુ ગિનીની આ પ્રથમ મુલાકાત છે. પાપુઆ ન્યુ ગિનીના વડાપ્રધાન જેમ્સ મરાપેએ એરપોર્ટ પર પીએમ મોદીના પગ સ્પર્શ કરીને સ્વાગત કર્યું હતું.
આ સન્માન ભારત અને ફિજી વચ્ચેના વર્ષો જૂના સંબંધોને દર્શાવે છે.
ફિજીના વડા પ્રધાન દ્વારા ફિજીના સર્વોચ્ચ સન્માન, “કમ્પેનિયન ઑફ ધ ઓર્ડર ઑફ ફિજી” થી નવાજવામાં આવ્યા પછી, પીએમ મોદીએ કહ્યું,
“આ સન્માન માત્ર મારું જ નહીં પરંતુ 140 કરોડ ભારતીયોનું પણ છે, ભારત અને ફિજીના વર્ષો જૂના સંબંધો છે. આ માટે હું તમારો અને રાષ્ટ્રપતિનો હૃદયપૂર્વક આભાર વ્યક્ત કરું છું.”
પાપુઆ ન્યુ ગીનીએ પણ સન્માન કર્યું
ફિજીએ પીએમ મોદીને તેના સર્વોચ્ચ પુરસ્કારથી સન્માનિત કર્યા બાદ તરત જ પાપુઆ ન્યુ ગિનીએ પણ પીએમ નરેન્દ્ર મોદીનું સન્માન કર્યું.
પેસિફિક ટાપુના દેશોની એકતાને ટેકો આપવા અને વૈશ્વિક દક્ષિણનું નેતૃત્વ કરવા બદલ પીએમ નરેન્દ્ર મોદીને કમ્પેનિયન ઑફ ધ ઓર્ડર ઑફ લોગોહુનો પુરસ્કાર આપવામાં આવ્યો. તમને જણાવી દઈએ કે પાપુઆ ન્યુ ગિનીના બહુ ઓછા બિન-નિવાસીઓને આ એવોર્ડ મળ્યો છે.
