વડા પ્રધાન નરેન્દ્ર મોદી આજે (14 ઑક્ટોબર 2023) મુંબઈમાં જિયો વર્લ્ડ સેન્ટર ખાતે 141મી આંતરરાષ્ટ્રીય ઓલિમ્પિક સમિતિ (IOC) સત્રનું ઉદ્ઘાટન કરશે.
IOC સત્ર આંતરરાષ્ટ્રીય ઓલિમ્પિક સમિતિ (IOC) ના સભ્યોની મહત્વપૂર્ણ બેઠક તરીકે કામ કરે છે. ઓલિમ્પિક ગેમ્સના ભવિષ્યને લગતા મહત્વના નિર્ણયો IOC સત્રમાં લેવામાં આવે છે.
ભારત લગભગ 40 વર્ષના અંતરાલ પછી બીજી વખત IOC સત્રનું આયોજન કરી રહ્યું છે. IOCનું 86મું સત્ર 1983માં નવી દિલ્હીમાં યોજાયું હતું.
)
ભારતમાં યોજાનાર 141મું IOC સત્ર વૈશ્વિક સહકારને પ્રોત્સાહન આપવા, રમતગમતની શ્રેષ્ઠતાની ઉજવણી કરવા અને મિત્રતા, આદર અને શ્રેષ્ઠતાના ઓલિમ્પિક આદર્શોને આગળ વધારવા માટેના દેશના સમર્પણનું પ્રતીક છે.
તે રમતગમત સાથે સંબંધિત વિવિધ હિસ્સેદારો વચ્ચે ક્રિયાપ્રતિક્રિયા અને જ્ઞાનની વહેંચણીની તક પૂરી પાડે છે.
આ સત્રમાં ઈન્ટરનેશનલ ઓલિમ્પિક કમિટીના પ્રમુખ થોમસ બાચ અને IOCના અન્ય સભ્યો તેમજ ભારતીય ઓલિમ્પિક એસોસિએશન સહિત અગ્રણી ભારતીય ખેલ હસ્તીઓ અને વિવિધ રમત ફેડરેશનના પ્રતિનિધિઓ પણ હાજરી આપશે.
