કોંગ્રેસના વરિષ્ઠ નેતા રાહુલ ગાંધી 2024ની લોકસભા ચૂંટણી અમેઠીથી લડશે. ઉત્તર પ્રદેશ કોંગ્રેસના અધ્યક્ષ અજય રાયે કહ્યું કે ગાંધી પરિવાર અમેઠીના લોકો માટે સતત સખત મહેનત કરી રહ્યો છે. રાહુલ ગાંધી કન્ફ્રર્મ આ બેઠક પરથી 2024ની લોકસભા ચૂંટણી લડશે. રાહુલ અમેઠી સીટ ભાજપની સ્મૃતિ ઈરાની સામે હારી ગયા હતા.
જો કે, તેમણે કેરળની વાયનાડ સીટ પર ભારે માર્જીનથી જીત મેળવી હતી. આ બીજી વખત છે જ્યારે રાયે રાહુલ ગાંધી તેમના જૂના ગઢ અમેઠીમાં પાછા ફરવાની સંભાવના વિશે વાત કરી છે. રાયે મુંબઈમાં કોંગ્રેસના અન્ય નેતાઓ સાથે મળીને ભાજપ પર રામ મંદિરના ઉદ્ઘાટનને રાજકીય ઘટનામાં ફેરવવાનો આરોપ લગાવતા તેની ટીકા કરી હતી. કહ્યું કે રામ મંદિરનું નિર્માણ આસ્થાનો વિષય છે. ચૂંટણીના વર્ષમાં લોકોને મૂર્ખ બનાવવા ભાજપ આ બધું કરી રહી છે.