મણિપુરમાં ભારત-મ્યાનમાર સરહદ પર તૈનાત આસામ રાઈફલ્સના એક સૈનિકે કથિત રીતે તેના સાથીદારો પર ગોળીબાર કર્યો છે. આ પછી તેણે પોતાને ગોળી મારીને આત્મહત્યા કરી લીધી. પોલીસ અધિકારીએ બુધવારે આ જાણકારી આપી.
પોલીસના જણાવ્યા અનુસાર, મણિપુરના ચંદેલ જિલ્લામાં આસામ રાઈફલ્સના એક સૈનિકે પહેલા તેના સાથીદારો પર ગોળીબાર કર્યો હતો, જેમાં ઓછામાં ઓછા છ સૈનિકો ગંભીર રીતે ઘાયલ થયા હતા. આ પછી સૈનિકે પોતાને ગોળી મારીને આત્મહત્યા કરી લીધી.
તેમણે વધુમાં જણાવ્યું હતું કે આ ઘટના મંગળવારે મોડી રાત્રે સાજિક ટેમ્પક વિસ્તારમાં બની હતી જ્યારે આસામ રાઈફલ્સના સૈનિકે તેના સાથીઓ પર ગોળીબાર કર્યો હતો. બાદમાં તેણે પોતાને ગોળી મારી દીધી હતી, એમ એક પોલીસ અધિકારીએ જણાવ્યું હતું.
મણિપુર પોલીસે ટ્વિટર પર એક પોસ્ટમાં જણાવ્યું હતું કે, “…આ કમનસીબ ઘટનાને ચાલુ વંશીય સંઘર્ષ સાથે જોડવી જોઈએ નહીં, એ હકીકતને ધ્યાનમાં રાખીને કે ઘાયલોમાંથી કોઈ મણિપુરના નથી.” હકીકતો જાણવા માટે ઘટનાની તપાસના આદેશ આપવામાં આવ્યા છે.” અધિકારીએ કહ્યું કે ઘાયલ કર્મચારીઓની સારવાર ચાલી રહી છે અને તેમની સ્થિતિ સ્થિર હોવાનું કહેવાય છે.
