ઈઝરાયેલમાં અદાણી ગ્રુપની હાઈફા પોર્ટ કંપનીના ચેરમેન બન્યા રોન મલ્કા ભારત માં રહી ચુક્યા છે રાજદૂત

ભારતમાં ઇઝરાયેલના પૂર્વ રાજદૂત રોન મલકાને હાઇફા પોર્ટ કંપનીના એક્ઝિક્યુટિવ ચેરમેન તરીકે નિયુક્ત કરવામાં આવ્યા છે. રોને ટ્વીટ કરીને માહિતી આપી છે. રોન મલ્કાએ જાહેરાત કરી કે તેમણે HPCના કાર્યકારી અધ્યક્ષ તરીકેનો કાર્યભાર સંભાળ્યો છે.

પોર્ટ ટેન્ડર યુએસ $ 1.18 બિલિયનમાં જીત્યું હતું

અદાણી પોર્ટ્સ એન્ડ સ્પેશિયલ ઈકોનોમિક ઝોન (APSEZ) અને ઈઝરાયેલના ગેડોટ ગ્રુપે ગયા વર્ષે જુલાઈમાં પોર્ટ માટે USD 1.18 બિલિયનનું ટેન્ડર જીત્યું હતું. આ ટેન્ડર ઈઝરાયેલના વ્યૂહાત્મક રીતે મહત્વપૂર્ણ બંદર હાઈફાના ખાનગીકરણ માટે કાઢવામાં આવ્યું હતું.

રોન મલ્કાએ ટ્વિટ કરીને તેમનો આભાર વ્યક્ત કર્યો હતો

રોને રવિવારે ટ્વીટ કર્યું, “અદાણી ગ્રુપ વતી આજે હાઈફા પોર્ટ કંપનીના એક્ઝિક્યુટિવ ચેરમેન તરીકેનો કાર્યભાર સંભાળીને હું સન્માનિત છું. તેમણે ઉમેર્યું હતું કે ગડોત અને અદાણી ગ્રુપનો અનુભવ અને પોર્ટ સ્ટાફનું સમર્પણ હાઈફા પોર્ટને નવી ઊંચાઈએ લઈ જશે.

હાઇફા બંદર પ્રવાસન અને શિપિંગ માટે સારું છે

જણાવી દઈએ કે રોન મલ્કાએ 2018 થી 2021 સુધી ભારતમાં ઈઝરાયેલના રાજદૂત તરીકે સેવા આપી છે. શિપિંગ કન્ટેનરની દ્રષ્ટિએ હાઇફા ઇઝરાયેલનું બીજું સૌથી મોટું બંદર છે અને પ્રવાસી ક્રૂઝ જહાજોની દ્રષ્ટિએ સૌથી મોટું બંદર છે.

ઇઝરાયેલને વધુ ભારતીય રોકાણની અપેક્ષા છે

આ વર્ષે જાન્યુઆરીમાં, વડા પ્રધાન બેન્જામિન નેતન્યાહુ અને અન્ય ટોચના ઇઝરાયેલ અધિકારીઓની હાજરીમાં અદાણી જૂથે સત્તાવાર રીતે ઇઝરાયેલ પોર્ટ પર નિયંત્રણ મેળવ્યું હતું. અદાણી ગ્રૂપ દેશમાં આવ્યું ત્યારથી ઇઝરાયેલને ભારતીય રોકાણમાં, ખાસ કરીને રિન્યુએબલ એનર્જી અને ડિફેન્સના ક્ષેત્રોમાં વધારો થવાની આશા છે.