વડોદરા શહેરના કોટંબી ક્રિકેટ સ્ટેડિયમ પાસે બોલેરો પીકઅપ વાહનનો ગંભીર અકસ્માત સર્જાયો હતો. પીકઅપ વાન ચાલકે સ્ટીયરીંગ પરથી કાબૂ ગુમાવતા વાન પલટી ખાઈ ગઈ હતી. જેમાં પિકઅપ વાન સીધી માઈનોર કેનાલમાં ખાબકી હતી. ફાયર બ્રિગેડના જવાનો અને સ્થાનિક લોકોએ કેનાલમાં પડેલા મુસાફરોનું રેસ્ક્યુ કરવાની કામગીરી હાથ ધરી હતી.
પ્રાપ્ત માહિતી અનુસાર, આ પિકઅપ વાનમાં કુલ 12 થી 15 લોકો સવાર હતા. અકસ્માતમાં 4 લોકોના ઘટના સ્થળે મોત નિપજ્યા હતા. જેમાં બે બાળકો અને બે પુરુષોનો સમાવેશ થાય છે. આ દરમિયાન અચાનક પીકઅપના ચાલકે સ્ટીયરિંગ પરથી કાબૂ ગુમાવતા ગાડી નજીકની માઈનોર કેનાલમાં ખાબકી હતી.
જેના પગલે મુસાફરોની બૂમાબૂમ થતાં આસપાસના સ્થાનિકો મદદ માટે દોડી આવ્યા હતા. જેમણે 108 અને ફાયર બ્રિગેડને જાણ કરી હતી. જેથી ઘટના સ્થળે આવેલ ફાયર બ્રિગેડના જવાનોએ રેસ્ક્યૂ હાથ ધર્યું હતુ.
આ અકસ્માતમાં બે બાળકો સહિત 5 લોકોના ઘટના સ્થળે જ મોત નીપજ્યા છે. જ્યારે અન્ય ઈજાગ્રસ્તોને સારવાર અર્થે સયાજી હોસ્પિટલમાં ખસેડવામાં આવ્યા છે.
