Skyroot Aerospace: સ્પેસ સેક્ટર સ્ટાર્ટઅપ અને રોકેટ લોન્ચ કરનારી ભારતની પ્રથમ ખાનગી કંપનીએ વિક્રમ-1 રોકેટના બીજા તબક્કાનું સફળ પરીક્ષણ કર્યું છે. કંપનીએ ગુરુવારે આશા વ્યક્ત કરી હતી કે આ વર્ષના અંત સુધીમાં તેની મદદથી એક સેટેલાઇટ ભ્રમણકક્ષામાં મોકલવામાં આવશે.
કંપનીના નિવેદન અનુસાર, વિક્રમ-1 રોકેટના બીજા તબક્કાનું નામ કલામ-250 રાખવામાં આવ્યું છે. કલામ-250 એ હાઇ પાવર કાર્બન કમ્પોઝિટ રોકેટ મોટર છે. આ રોકેટને વાતાવરણીય તબક્કામાંથી બાહ્ય અવકાશના શૂન્યાવકાશમાં લઈ જશે.
કલામ-250નું આંધ્રપ્રદેશના શ્રીહરિકોટામાં ભારતીય અવકાશ સંશોધન સંસ્થા (ISRO)ના સતીશ ધવન સ્પેસ સેન્ટરમાંથી સફળતાપૂર્વક પરીક્ષણ કરવામાં આવ્યું હતું. આ ટેસ્ટ 85 સેકન્ડ સુધી ચાલ્યો હતો.
નોંધનીય છે કે રોકેટના ચાર સ્ટેજ છે. કંપનીના સહ-સ્થાપક અને સીઈઓ પવન ચંદનાએ કહ્યું કે, ભારતીય અવકાશ ઉદ્યોગ માટે આ એક સીમાચિહ્નરૂપ છે. ભારતીય ખાનગી ક્ષેત્ર દ્વારા ડિઝાઇન અને નિર્માણ કરાયેલ અત્યાર સુધીની સૌથી મોટી પ્રોપલ્શન સિસ્ટમનું આ સફળ પરીક્ષણ છે. તમામ કસોટીઓ ધોરણ મુજબ હતી. આ સિદ્ધિ સાથે અમે વિક્રમ-1 રોકેટના આગામી પ્રક્ષેપણની એક પગલું નજીક આવ્યા છીએ. સ્કાયરૂટ નવેમ્બર 2022 માં વિક્રમ-એસનું પરીક્ષણ કર્યું, જે ‘સબ-ઓર્બિટલ’ રોકેટ લોન્ચ કરનાર ભારતની પ્રથમ ખાનગી કંપની બની.
