દુનિયાભરમાં ચા પ્રેમીઓની કોઈ કમી નથી. ચા બનાવવા માટે ઘણા મસાલા અને જડીબુટ્ટીઓનો ઉપયોગ કરવામાં આવે છે. જો તમે પણ ચાના શોખીન છો, તો તમારે એકવાર કેસરની ચા જરૂર ટ્રાય કરવી જોઈએ. જો કે, કેસરનો ઉપયોગ મસાલા તરીકે થાય છે, જે ખોરાકમાં રંગ અને સ્વાદ ઉમેરે છે. તમે તેનાથી ચા પણ બનાવી શકો છો, જેનાથી શરીરને ઘણા ફાયદા થઈ શકે છે. આ ચામાં એન્ટી-ઓક્સીડેન્ટ ગુણ જોવા મળે છે, જેનાથી સ્વાસ્થ્યને ફાયદો થાય છે.
કેન્સરના કોષોને વધતા અટકાવે છે
કેસર એન્ટીઑકિસડન્ટનો સમૃદ્ધ સ્ત્રોત છે, જે કેન્સરનું જોખમ ઘટાડી શકે છે. કેસર ચા સ્વસ્થ કોષોને નુકસાનથી બચાવે છે.
યાદશક્તિ સુધારવામાં મદદરૂપ
કેસરમાં ક્રોસિન અને ક્રોસેટિન મળી આવે છે. સંશોધન મુજબ, તેઓ યાદશક્તિમાં વધારો કરે છે. યાદશક્તિ વધારવા માટે તમારે કેસરની ચાની મજા લેવી જોઈએ.
રોગપ્રતિકારક શક્તિ વધારવામાં મદદરૂપ
કેસરમાં એન્ટીઓક્સીડેન્ટ અને એન્ટી વાયરલ ગુણો જોવા મળે છે. જે રોગપ્રતિકારક શક્તિને મજબૂત રાખવામાં મદદ કરે છે. કેસર ચામાં સેફ્રાનલ નામનું એન્ટીઓક્સીડેન્ટ હોય છે, જે તમારા શરીરને ઘણી બીમારીઓથી બચાવી શકે છે.
ઓક્સિડેટીવ તણાવ સામે રક્ષણ આપે છે
કેસર એન્ટીઓક્સીડેન્ટ્સ અને ફ્લેવોનોઈડ્સ બંનેમાં સમૃદ્ધ છે. આ કોષોને ઓક્સિડેટીવ તણાવથી બચાવવામાં મદદ કરે છે.
આ રીતે બનાવો કેસર ચા
- એક પેનમાં એક-બે કપ પાણી નાખો.
- તેમાં 3-4 કેસરના દોરા નાખીને બરાબર ઉકાળો.
- ઉકળે એટલે ગાળી લો. જો તમે ઈચ્છો તો તેમાં એક ચમચી મધ મિક્સ કરીને તેનો આનંદ લઈ શકો છો.
