કેન્દ્ર સરકારને મંગળવારે સુપ્રીમ કોર્ટ તરફથી મોટો ઝટકો લાગ્યો છે. એન્ફોર્સમેન્ટ ડિરેક્ટોરેટ (ED)ના ડાયરેક્ટર સંજય કુમાર મિશ્રાના કાર્યકાળને લંબાવવા અંગે કોર્ટે મોટો નિર્ણય સંભળાવ્યો છે. કોર્ટે સંજય મિશ્રાને ત્રીજી ટર્મ એક્સટેન્શન આપવાના આદેશને રદ કર્યો છે. આ સાથે કોર્ટે કાર્યકાળ વધારવાને ગેરકાયદેસર ગણાવ્યો છે. જો કે કોર્ટે સરકારને રાહત આપતાં કહ્યું કે ED અને CBI ડાયરેક્ટરનો કાર્યકાળ 5 વર્ષ સુધી લંબાવવાનો નિયમ યોગ્ય છે.
સંજય મિશ્રા 31મી જુલાઈ સુધી જ પદ પર રહેશે
એક અરજી પર સુનાવણી કરતા જસ્ટિસ બીઆર ગવઈ, જસ્ટિસ વિક્રમ નાથ અને જસ્ટિસ સંજય કરોલની બેન્ચે મંગળવારે કહ્યું કે અમે 2021માં તેમનો કાર્યકાળ ન વધારવાનો આદેશ આપ્યો હતો.
તેથી હવે તેઓ 31 જુલાઈ સુધી જ પોતાના પદ પર રહી શકશે.
ED ડાયરેક્ટરનો કાર્યકાળ વધારવાનો વિવાદ શા માટે?
સંજય કુમાર મિશ્રાને 2018માં બે વર્ષ માટે ED ડાયરેક્ટર તરીકે નિયુક્ત કરવામાં આવ્યા હતા. સંજય મિશ્રા નવેમ્બર 2020માં નિવૃત્ત થવાના હતા, પરંતુ 13 નવેમ્બર 2020ના રોજ બહાર પાડવામાં આવેલા આદેશમાં કેન્દ્ર સરકારે તેમનો કાર્યકાળ ઘટાડીને ત્રણ વર્ષનો કરી દીધો હતો. આ પછી, કેન્દ્ર સરકાર 2021 માં એક વટહુકમ લાવ્યો. વટહુકમમાં કહેવામાં આવ્યું છે કે સીબીઆઈ અને ઈડીના ડાયરેક્ટરનો કાર્યકાળ બે વર્ષથી વધારીને વધુમાં વધુ પાંચ વર્ષ કરવો જોઈએ. સંસદમાં વટહુકમ પસાર કરવામાં આવ્યો હતો. આ માટે વિપક્ષી પાર્ટીઓએ પણ સરકારની ટીકા કરી હતી.
