દિગ્ગજ ઉદ્યોગપતિ અનિલ અંબાણીને સુપ્રીમ કોર્ટ તરફથી મોટો ઝટકો લાગ્યો છે. દિલ્હી મેટ્રો સાથે જોડાયેલા એક કેસમાં સુપ્રીમ કોર્ટે DMRCને રાહત આપી છે.
સુપ્રીમ કોર્ટે દિલ્હી મેટ્રો રેલ કોર્પોરેશન (DMRC)ને મોટી રાહત આપતા કહ્યું છે કે તે ‘દિલ્હી એરપોર્ટ મેટ્રો એક્સપ્રેસ પ્રાઈવેટ લિમિટેડ’ને 8,000 કરોડ રૂપિયા ચૂકવવા માટે બંધાયેલ નથી. આ આદેશ DMRCને 2017માં આપવામાં આવ્યો હતો. ‘દિલ્હી એરપોર્ટ મેટ્રો એક્સપ્રેસ પ્રાઈવેટ લિમિટેડ’ રિલાયન્સ ઈન્ફ્રાસ્ટ્રક્ચર કંપની છે.
ડીએમઆરસી દ્વારા દાખલ કરવામાં આવેલી ક્યુરેટિવ પિટિશનને મંજૂરી આપીને સુપ્રીમ કોર્ટે અનિલ અંબાણીને મોટો ઝટકો આપ્યો છે. ભારતના મુખ્ય ન્યાયાધીશ ડીવાય ચંદ્રચુડની અધ્યક્ષતાવાળી બેંચે ચુકાદા સામેની તેની સમીક્ષા અરજીને ફગાવી દેવા સામે દિલ્હી મેટ્રો રેલ કોર્પોરેશન (DMRC) ની ક્યુરેટિવ અરજીને મંજૂરી આપી હતી.
સુપ્રીમ કોર્ટે આ આદેશ આપ્યો છે
ચુકાદામાં કહેવામાં આવ્યું છે કે ડીએમઆરસી દ્વારા અત્યાર સુધી જમા કરવામાં આવેલી રકમ પરત કરવામાં આવશે અને પક્ષકારોને દિલ્હી હાઈકોર્ટના ચુકાદાની જાહેરાતની તારીખે તેઓ જે સ્થિતિમાં હતા તે સ્થાને પુનઃસ્થાપિત કરવામાં આવશે. વિગતવાર નિર્ણયની રાહ જોવાઈ રહી છે.
