ભારતીય નૌકાદળે બુધવારે જણાવ્યું હતું કે, તેના જહાજો અને વિમાન દેખરેખ અને દરિયાઈ સુરક્ષા કામગીરીને વધારવાનું ચાલુ રાખશે. છેલ્લા અઠવાડિયામાં, આ વિસ્તારમાં તૈનાત નૌકાદળના કાર્ય જૂથોએ મોટી સંખ્યામાં માછીમારીના જહાજો અને અન્ય જહાજોની તપાસ કરી છે.
ગયા મહિને પોરબંદર દરિયાકાંઠે 220 નોટિકલ માઈલ દૂર એમવી કેમ પ્લુટોના ડ્રોનને નિશાન બનાવવા સહિત વેપારી જહાજો પર હુમલાની ઘટનાઓને પગલે નૌકાદળે દરિયાઈ દેખરેખ વધારી છે.
ભારતીય નૌકાદળ દ્વારા જારી કરાયેલા નિવેદન અનુસાર, ભારતીય નૌકાદળ સતત દરિયાઈ પેટ્રોલિંગ એરક્રાફ્ટ અને પાઈલટ વિનાના વિમાનો સાથે વિસ્તાર પર નજર રાખી રહ્યું છે. ભારતીય નૌકાદળ ભારતના વિશિષ્ટ આર્થિક ક્ષેત્રની અંદર દેખરેખને મજબૂત કરવા માટે કોસ્ટ ગાર્ડ સાથે પણ સંકલન કરી રહી છે.
