હવાઈ મુસાફરી ગમે તેટલી અનુકૂળ હોય, આપણામાંના ઘણા પ્લેનમાં મુસાફરી કરવાથી શરમાતા હોઈએ છીએ. વાસ્તવમાં, લોકોને લાગે છે કે હવાઈ દુર્ઘટનામાં બચવાની સંભાવના ઘણી ઓછી છે, તેથી જ કેટલાક લોકો તેમાં મુસાફરી કરવામાં અચકાય છે. પરંતુ જો કોઈ વ્યક્તિ ઉડાન દરમિયાન મૃત્યુ પામે છે, તો તેના શરીર સાથે શું કરવામાં આવે છે. પાયલોટ તમારાથી આ વાત છુપાવે છે, પરંતુ એક એર હોસ્ટેસે તેનો પર્દાફાશ કર્યો છે.
લેડબિબલના અહેવાલ મુજબ, ટિકટોક પર @Danidboyy1 નામનું એકાઉન્ટ ધરાવતી એર હોસ્ટેસે લોકોને કહ્યું કે જો પ્લેનમાં જ કોઈ પેસેન્જરનું મૃત્યુ થાય તો શું થાય છે. એર હોસ્ટેસે કહ્યું કે, ફ્લાઇટમાં બીમાર પડવાની સ્થિતિમાં એરલાઇનના ક્રૂ મેમ્બર્સ તરત જ તેની મદદ કરે છે. તમને જણાવી દઈએ કે ફ્લાઈટ એટેન્ડન્ટ્સને ફર્સ્ટ એઈડ ટ્રેનિંગ આપવામાં આવે છે. આ સાથે તેમને CPR આપવાનું પણ શીખવવામાં આવે છે.
જો કે, આ બધું હોવા છતાં, જો કોઈ પેસેન્જરનું ફ્લાઇટની વચ્ચે મૃત્યુ થાય છે, તો એર હોસ્ટેસનું સંપૂર્ણ ધ્યાન વસ્તુઓને સામાન્ય રાખવા પર હોય છે. તેઓ અન્ય મુસાફરોને એ પણ જણાવવા દેતા નથી કે કોઈનું મૃત્યુ થયું છે.એર હોસ્ટેસે જણાવ્યું કે તેના કેટલાક મિત્રો આ દુઃખદ પરિસ્થિતિમાંથી પસાર થયા છે.
ફ્લાઈટ એટેન્ડન્ટ્સ અનુસાર, કેબિન ક્રૂ કોઈને પણ મૃત જાહેર કરી શકતો નથી, તેથી જો પાઈલટ ફ્લાઈટને ડાયવર્ટ કરવાનો નિર્ણય ન લે તો પ્લેન લેન્ડ થાય ત્યાં સુધી ડેડબોડી ફ્લાઈટમાં જ રહે છે. જો કે, એર હોસ્ટેસે એ પણ કહ્યું છે કે જો પ્લેન ભરેલું હોય, તો પ્લેન તેના ગંતવ્ય સ્થાને પહોંચે ત્યાં સુધી યાત્રીના શરીરને તેની મૂળ સીટ પર રહેવાની છૂટ છે.
